الماتى ەكٸمٸ باقىتجان ساعىنتاەۆ تۋريستەرگە ٶركەنيەتتٸ جاعداي جاساۋ ماقساتىندا تاۋ ينفراقۇرىلىمىن دامىتۋ قاجەت ەكەنٸن ايتتى, دەپ حابارلايدى "ۇلت اقپارات" قالا ەكٸمدٸگٸنە سٸلتەمە جاساپ.
ب. ساعىنتاەۆ بۇعان دەيٸن تاۋداعى قاۋٸپسٸزدٸكتٸ قامتاماسىز ەتۋ ٷشٸن مىڭداعان شاقىرىم تاۋ مارشرۋتىن تسيفرلاندىرىپ, 500 شاقىرىمىن اباتتاندىرۋ جٶنٸندە ايتقاندارىن ەسكە سالدى.
«قاۋٸپسٸزدٸكتٸ قامتاماسىز ەتٸپ قانا قويماي, تاۋ جورىعىن قىزىقتى ەرٸ تانىمدى ەتۋ ٷشٸن گورەلنيك پەن ايۋساي شاتقالدارىندا ۆيزيت ورتالىقتار اشامىز», - دەپ جازدى الماتى ەكٸمٸ جەلٸدەگٸ پاراقشاسىندا.
ب. ساعىنتاەۆ جۇمىس ساپارى كەزٸندە ولاردىڭ ەلەۋەتٸمەن تانىستى. مۇندا قاجەتتٸ جاعداي جاسالعان — تاماقتانۋ ورنى, سانيتارلىق-گيگيەنالىق توراپتار, جازعى تەرراسالار مەن تەگٸن Wi-Fi بار. «تامىر» جابايى تابيعاتتا بولۋ مەكتەبٸنٸڭ ەرٸكتٸلەرٸ مەن كەسٸبي الپينيستەرٸ تەگٸن ەكولوگييالىق ساباقتار ٶتكٸزەدٸ. تۋريستەرگە مارشرۋتتار تۋرالى اقپارات بەرٸلٸپ, قاۋٸپسٸزدٸك پەن قورشاعان ورتاعا ۇقىپتى قاراۋدىڭ نەگٸزدەرٸ تٷسٸندٸرٸلەدٸ.
سونداي-اق, ەكٸم Ramada encore by Wyndham, Holiday Inn Express قوناق ٷيلەرٸندە, Novotel living پەن Ibis برەندٸ ۇسىنعان «جەتٸسۋ» كٶپسالالى قوناق ٷي كەشەنٸنٸڭ قۇرىلىس الاڭىندا بولدى. قوناق ٷي ينفراقۇرىلىمىنداعى بۇل نىسانداردىڭ نەگٸزگٸ ارتىقشىلىعى ساپا مەن باعا ساياساتىنىڭ ٷيلەسٸم تابۋى جەنە قولايلى جايلىلىق پەن ىڭعايلىعىندا. وسىلايشا تۋريستەردٸ ورنالاستىرۋ اۋقىمى كەڭەيتٸلەدٸ.
بۇرىن حابارلانعانداي, ەكولوگييالىق تۋريزمدٸ دامىتۋ جەنە تاۋلى ايماقتاردا ينفراقۇرىلىمدى قۇرۋ اياسىندا سوڭعى 4 جىلدا 1000 شاقىرىمنان استام تاۋلى باعىتتار تسيفرلاندىرىلدى. ونىڭ ٸشٸندە جالپى ۇزىندىعى 500 شاقىرىمعا جۋىق 36 باعىت اباتتاندىرىلدى.
تسيفرلاندىرىلعان باعىتتار ونلاين ەرٸ وففلاين رەجيمٸندە GPS-Ranger جەنە 2Gis ناۆيگاتورلارىندا قولجەتٸمدٸ. ناۆيگاتسييانى جاقسارتۋ ماقساتىندا اقپاراتتىق ستەندتەر, باعىتتاردىڭ كٷردەلٸلٸگٸ تۋرالى اقپاراتتىق كٶرسەتٸكشتەر ورناتىلعان.
2021 جىلى قوسىمشا 170 شاقىرىمعا جۋىق تاۋ سوقپاقتارىن اباتتاندىرۋ جەنە 4 كەمپينگ ايماقتارىن قۇرۋ جوسپارلانۋدا. سونداي-اق تاۋ تۋريزمٸن دامىتۋ بويىنشا ەكٸ جوبانى ٸسكە اسىرۋ قولعا الىنادى. ولار — Medeu Resort تۋريستٸك جەنە Butakovka Med ساۋىقتىرۋ كەشەندەرٸ. بۇلاردان ٶزگە, «تسسكا» تاۋ شاڭعىسى بازاسىن مودەرنيزاتسييالاۋ جەنە قالا تۇرعىندارىنىڭ سپورتتىق-اعارتۋشىلىق بەلسەندٸلٸگٸن ارتتىرۋ جوسپارلانۋدا. مۇندا شاڭعىمەن سىرعاناۋعا, تيۋبيگنپەن اينالىسۋعا, جاز ايلارىندا ساداق اتۋعا, اتقا مٸنۋگە جەنە ۆەلوسيپەد تەبۋگە بولادى.
قوناق ٷي بيزنەسٸن دامىتۋ اياسىندا اعىمداعى جىلى 4 قوناق ٷي كەشەنٸن پايدالانۋعا بەرۋ جوسپارلانعان. بۇلار — 4 جۇلدىزدى Novotel Living, Ramada Encore by Wyndham قوناق ٷيلەرٸ جەنە بيۋدجەتتٸك ساياحاتشىلارعا ارنالعان 3 جۇلدىزدى IBIS, Holiday Inn Express قوناق ٷيلەر. جالپى, الماتىدا تۋريستەردٸ ورنالاستىراتىن 328 ورىن بار, ونىڭ ٸشٸندە قوناق ٷيلەر, حوستەلدەر جەنە ساناتورييلەر.
