Foto: Almaty.tv
65 jasynda ómirden ozǵan belgili ádebiet synshysy, filolog jáne rejisser Ǵalym Doskendi Almaty jurtshylyǵy aqtyq saparǵa shyǵaryp saldy, dep habarlaidy Ult.kz.
Kózge jas, kóńilge sher uialatyp ótken bul kúnde ziialy qaýym, aqyn-jazýshylar men qala turǵyndary marqumǵa sońǵy qurmetin kórsetti. Ǵalym Doskendi jaqyndary men áriptesteri «izdenimpaz, shyǵarmashylyqqa sheksiz berilgen tulǵa» retinde eske aldy.
«Qazaq rýhaniiatynyń taǵy bir asyl azamatynan aiyrylyp qaldyq. Ǵalymnyń mádeniet salasyndaǵy eńbegi ushan-teńiz. Stýdent kezimizden bastap alǵyrlyǵy, bilimge qushtarlyǵy kózge túsetin. Onyń eń úlken jetistigi – «Qazaqstan» ulttyq telearnasyn damytýy boldy» – dedi M. Áýezov atyndaǵy Ádebiet jáne óner institýtynyń direktory Kenjehan Matyjanov.
Ǵalym Tólembekuly 1960 jyly dúniege kelgen. Abai atyndaǵy Qazaq pedagogikalyq institýtynyń filologiia fakýltetin támamdap, 2000 jyly mediamenedjmentke bet burǵan. «Qazaqstan» respýblikalyq tele jáne radio korporatsiiasynda basqarma tóraǵasynyń birinshi orynbasary, keiin tóraǵa qyzmetin atqardy. Sol jyldary «Altyn saqa», «Aqjúnis», «Shynnyń júzi», «Úzeńgi joldas» syndy baǵdarlamalar onyń shyǵarmashylyq qoltańbasymen este qaldy. Sonymen qatar, qazaqtyń tól óneri men mádenietiniń damýyna eleýli úles qosty.
