فوتو: Almaty.tv
65 جاسىندا ٶمٸردەن وزعان بەلگٸلٸ ەدەبيەت سىنشىسى, فيلولوگ جەنە رەجيسسەر عالىم دوسكەندٸ الماتى جۇرتشىلىعى اقتىق ساپارعا شىعارىپ سالدى, دەپ حابارلايدى Ult.kz.
كٶزگە جاس, كٶڭٸلگە شەر ۇيالاتىپ ٶتكەن بۇل كٷندە زييالى قاۋىم, اقىن-جازۋشىلار مەن قالا تۇرعىندارى مارقۇمعا سوڭعى قۇرمەتٸن كٶرسەتتٸ. عالىم دوسكەندٸ جاقىندارى مەن ەرٸپتەستەرٸ «ٸزدەنٸمپاز, شىعارماشىلىققا شەكسٸز بەرٸلگەن تۇلعا» رەتٸندە ەسكە الدى.
«قازاق رۋحانيياتىنىڭ تاعى بٸر اسىل ازاماتىنان ايىرىلىپ قالدىق. عالىمنىڭ مەدەنيەت سالاسىنداعى ەڭبەگٸ ۇشان-تەڭٸز. ستۋدەنت كەزٸمٸزدەن باستاپ العىرلىعى, بٸلٸمگە قۇشتارلىعى كٶزگە تٷسەتٸن. ونىڭ ەڭ ٷلكەن جەتٸستٸگٸ – «قازاقستان» ۇلتتىق تەلەارناسىن دامىتۋى بولدى» – دەدٸ م. ەۋەزوۆ اتىنداعى ەدەبيەت جەنە ٶنەر ينستيتۋتىنىڭ ديرەكتورى كەنجەحان ماتىجانوۆ.
عالىم تٶلەمبەكۇلى 1960 جىلى دٷنيەگە كەلگەن. اباي اتىنداعى قازاق پەداگوگيكالىق ينستيتۋتىنىڭ فيلولوگييا فاكۋلتەتٸن تەمامداپ, 2000 جىلى مەديامەنەدجمەنتكە بەت بۇرعان. «قازاقستان» رەسپۋبليكالىق تەلە جەنە راديو كورپوراتسيياسىندا باسقارما تٶراعاسىنىڭ بٸرٸنشٸ ورىنباسارى, كەيٸن تٶراعا قىزمەتٸن اتقاردى. سول جىلدارى «التىن ساقا», «اقجٷنٸس», «شىننىڭ جٷزٸ», «ٷزەڭگٸ جولداس» سىندى باعدارلامالار ونىڭ شىعارماشىلىق قولتاڭباسىمەن ەستە قالدى. سونىمەن قاتار, قازاقتىڭ تٶل ٶنەرٸ مەن مەدەنيەتٸنٸڭ دامۋىنا ەلەۋلٸ ٷلەس قوستى.
