«Almaty jastary 3.0» baǵdarlamasymen baspana alýǵa nietti jastar úshin «qalada tirkeýde bolý» talaby alynyp tastaldy. Bul týraly Almaty ákimi Baqytjan Saǵyntaev Twitter-de jazdy, dep habarlaidy "Ult aqparat".
«Almaty jastary 3.0» jeńildetilgen nesie baǵdarlamasymen turǵyn úi alýǵa nietti jumys isteitin almatylyq jastarǵa qalada tirkeýde bolý talaby alyndy. Osy sebepke bailanysty qabyldanbaǵan ótinishter qaita qaralady. 22 maýsymnan ótinimderdi qabyldaýdyń ekinshi kezeńi bastalady», – dep jazdy qala ákimi.
Aita keteiik, baǵdarlama boiynsha nesieni óteý merzimi 3 jyldan 25 jylǵa deiin, tólem qabilettiligine qarai esepteledi. Bastapqy tólem - 10%.
Baǵdarlamanyń maqsaty – biýdjet salasyndaǵy jas qyzmetkerlerge qoldaý kórsetý (35 jasqa deiin). Bul – muǵalimder, dárigerler, ýniversitet oqytýshylary, mádeniet, sport salasynyń ókilderi, jýrnalister men ǵalymdar.
Jalpy, Almatyda 8,4 myń kóppáterli turǵyn úi qory bar. Bul, eldegi eń úlken kórsetkish. Turǵyn úige suranys jyl saiyn artýda. Búginde 25 533 azamat baspana kezeginde tur. Bul, ótken jylmen salystyrǵanda 4,5 myń adamǵa kóp.
Byltyr Almatyda 3162 adam baspanamen qamtamasyz etildi, onyń ishinde 520 kópbalaly otbasy men 114 balalar úiiniń túlekteri bar. Sonymen qatar, 2019 jyly 1050 jumys isteitin jastar jaldamaly páter kiltterin aldy.
