«الماتى جاستارى 3.0» باعدارلاماسىمەن باسپانا الۋعا نيەتتٸ جاستار ٷشٸن «قالادا تٸركەۋدە بولۋ» تالابى الىنىپ تاستالدى. بۇل تۋرالى الماتى ەكٸمٸ باقىتجان ساعىنتاەۆ Twitter-دە جازدى, دەپ حابارلايدى "ۇلت اقپارات".
«الماتى جاستارى 3.0» جەڭٸلدەتٸلگەن نەسيە باعدارلاماسىمەن تۇرعىن ٷي الۋعا نيەتتٸ جۇمىس ٸستەيتٸن الماتىلىق جاستارعا قالادا تٸركەۋدە بولۋ تالابى الىندى. وسى سەبەپكە بايلانىستى قابىلدانباعان ٶتٸنٸشتەر قايتا قارالادى. 22 ماۋسىمنان ٶتٸنٸمدەردٸ قابىلداۋدىڭ ەكٸنشٸ كەزەڭٸ باستالادى», – دەپ جازدى قالا ەكٸمٸ.
ايتا كەتەيٸك, باعدارلاما بويىنشا نەسيەنٸ ٶتەۋ مەرزٸمٸ 3 جىلدان 25 جىلعا دەيٸن, تٶلەم قابٸلەتتٸلٸگٸنە قاراي ەسەپتەلەدٸ. باستاپقى تٶلەم - 10%.
باعدارلامانىڭ ماقساتى – بيۋدجەت سالاسىنداعى جاس قىزمەتكەرلەرگە قولداۋ كٶرسەتۋ (35 جاسقا دەيٸن). بۇل – مۇعالٸمدەر, دەرٸگەرلەر, ۋنيۆەرسيتەت وقىتۋشىلارى, مەدەنيەت, سپورت سالاسىنىڭ ٶكٸلدەرٸ, جۋرناليستەر مەن عالىمدار.
جالپى, الماتىدا 8,4 مىڭ كٶپپەتەرلٸ تۇرعىن ٷي قورى بار. بۇل, ەلدەگٸ ەڭ ٷلكەن كٶرسەتكٸش. تۇرعىن ٷيگە سۇرانىس جىل سايىن ارتۋدا. بٷگٸندە 25 533 ازامات باسپانا كەزەگٸندە تۇر. بۇل, ٶتكەن جىلمەن سالىستىرعاندا 4,5 مىڭ ادامعا كٶپ.
بىلتىر الماتىدا 3162 ادام باسپانامەن قامتاماسىز ەتٸلدٸ, ونىڭ ٸشٸندە 520 كٶپبالالى وتباسى مەن 114 بالالار ٷيٸنٸڭ تٷلەكتەرٸ بار. سونىمەن قاتار, 2019 جىلى 1050 جۇمىس ٸستەيتٸن جاستار جالدامالى پەتەر كٸلتتەرٸن الدى.
