Baffaloda Ulttyq hokkei ligasy (UHL) draftynyń ekinshi kúni bastaldy. Alǵashqy kúni klýbtar jalpy sany 32 oiynshyny tańdady, dep habarlaidy ult.kz shaiba.kz-ke silteme jasap.
«Niý-Iork Reindjers» klýby jalpy 67-nómirmen Almaty hokkeiiniń túlegi, qaqpashy Danai Shaiyqovty óz qataryna qosty.
Ótken maýsymda 19 jastaǵy qaqpashy Kvebektiń negizgi jasóspirimder hokkei ligasy aiasynda «Gatino Olimpiks» sapynda turaqty chempionatta 50 match ótkizdi. Onyń toitarylǵan soqqylar kórsetkishi – 90,3%, al senimdilik koeffitsienti – 2,78 boldy.
Sondai-aq Danai Shaiyqov Qazaqstan jastar quramasy sapynda halyqaralyq PSK kýbogy týrnirine qatysty. Ol eki match ótkizip, qarsylastardyń soqqylarynyń 91,4%-yn qaitardy. Senimdilik koeffitsienti 3,07-ni qurady.
Eske salaiyq, biylǵy UHL draftynyń qorytyndy reitinginde qazaqstandyq úsh hokkeishi – Semion Simonov, Alisher Sarkenov jáne Kornei Korneev bar.
