Pandemiia kezinde almatylyqtardyń kommýnaldyq qyzmetterge qaryzy 2 ese ósken. Bul týraly onlain brifing barysynda qalalyq energetikalyq tiimdilik jáne infraqurylymdyq damý basqarmasynyń basshysy Áset Masabaev aitty, dep habarlaidy "Ult aqparat".
«Pandemiia kesirinen jariialanǵan TJ nátijesinde debitorlyq qaryzdar 2 esege artqan. Byltyrdyń ózinde turǵyndar men zańdy tulǵalardyń debitorlyq qaryzy 2 mlrd teńge bolatyn. Biyl 4,5 mlrd teńgege jetti. Bul kóbine pandemiianyń kesirinen bolyp otyr. Sondyqtan túsinistikpen qarap, osy baǵytta jumysty jalǵastyramyz», - dedi basqarma basshysy Áset Masabaev.
Spiker qala turǵyndaryn boryshynan qutylýǵa shaqyrdy. Qalanyń energetikalyq kesheniniń jumysy debitorlyq qaryzdardyń ótelýine bailanysty bolyp tur.
