پاندەمييا كەزٸندە الماتىلىقتاردىڭ كوممۋنالدىق قىزمەتتەرگە قارىزى 2 ەسە ٶسكەن. بۇل تۋرالى ونلاين بريفينگ بارىسىندا قالالىق ەنەرگەتيكالىق تيٸمدٸلٸك جەنە ينفراقۇرىلىمدىق دامۋ باسقارماسىنىڭ باسشىسى ەسەت ماساباەۆ ايتتى, دەپ حابارلايدى "ۇلت اقپارات".
«پاندەمييا كەسٸرٸنەن جارييالانعان تج نەتيجەسٸندە دەبيتورلىق قارىزدار 2 ەسەگە ارتقان. بىلتىردىڭ ٶزٸندە تۇرعىندار مەن زاڭدى تۇلعالاردىڭ دەبيتورلىق قارىزى 2 ملرد تەڭگە بولاتىن. بيىل 4,5 ملرد تەڭگەگە جەتتٸ. بۇل كٶبٸنە پاندەمييانىڭ كەسٸرٸنەن بولىپ وتىر. سوندىقتان تٷسٸنٸستٸكپەن قاراپ, وسى باعىتتا جۇمىستى جالعاستىرامىز», - دەدٸ باسقارما باسشىسى ەسەت ماساباەۆ.
سپيكەر قالا تۇرعىندارىن بورىشىنان قۇتىلۋعا شاقىردى. قالانىڭ ەنەرگەتيكالىق كەشەنٸنٸڭ جۇمىسى دەبيتورلىق قارىزداردىڭ ٶتەلۋٸنە بايلانىستى بولىپ تۇر.
