QR Qarýly kúshter Bas shtabynyń arnaiy taǵaiyndalǵan komissiiasy Áýe shabýylyna qarsy qorǵanys áskeri bólimderi men bólimsheleriniń jaýyngerlik ázirligin jáne áýe keńistigin qorǵaý boiynsha jaýyngerlik kezekshilikti atqarý sapasyn tekserdi, dep habarlaidy "Ult aqparat" Qorǵanys ministrliginiń baspasóz qyzmetine silteme jasap.
«Qorǵanys ministri Nurlan Ermekbaevtyń nusqaýy boiynsha áýe shabýylyna qarsy qorǵanys bólimderiniń turaqty jaýyngerlik ázirligin tekserý maqsatynda tutqiyldan shabýyl jasaý faktoryn paidalana otyryp, áýeailaqtardan áýe keńistigin buzǵan shartty qarsylasqa barynsha jaýyngerlik jaǵdaiǵa jaqyn bola otyryp soqqy beretin jáne barlaý pilotsyz apparattar ushyryldy.
ÁShQQ áskerleriniń Bas komandalyq pýnktinde áýe shabýylyna qarsy qorǵanys bólimsheleriniń kezekshi kúshteriniń is-qimylyn ministrdiń birinshi orynbasary-QR QK Bas shtabynyń bastyǵy general-leitenant Murat Bektanov baqylap otyrdy», delingen habarlamada.
Tekserý kezinde Áýe shabýylyna qarsy qorǵanys áskeriniń kezekshi kúshteri biikte emes óte alasa ushatyn áýe nysanyn anyqtap, olardy áýe keńistigin buzýshy retinde tanyp, zenittik zymyran bólimshesiniń qarýymen (shartty túrde) joiýy tiis.
Almaty óńirlik garnizonynyń ÁShQQ áskerleri bólimderiniń kezekshi quraldary anyqtaý jáne alyp júrý algoritmin oryndai otyryp, naqty ýaqyt rejiminde yqtimal áýe qarsylasynyń ushý apparatyn (shartty túrde) joidy. Jaýyngerlik jumystyń tiimdiligi úshin shartty jaýdy aspanǵa ustaýǵa jaqyn mańdaǵy aviabazadan joiǵysh ushaqtar da kóterildi. Oqý-jaýyngerlik tapsyrma pysyqtaldy.
Sonymen qatar, komissiia shaǵyn kólemdegi nysandardy, onyń ishinde pilotsyz ushý apparattaryn ustaý jáne joiýǵa qatysty áýe shabýylyna qarsy qorǵanysty uiymdastyrýdaǵy jekelegen kemshilikti anyqtady. Tekserý nátijesi boiynsha esepter men ekipajdardyń is-qimylyna neǵurlym egjei-tegjeili taldaý júrgiziledi jáne ÁShQQ júiesin jetildirý jónindegi sharalar kesheni ázirlenedi.
Áýe shabýylyna qarsy qorǵanys áskerleri áýe keńistigin paidalaný tártibiniń saqtalýyn úzdiksiz baqylaýdy júzege asyra otyryp, táýlik boiy jaýyngerlik kezekshilik atqarady.
