قر قارۋلى كٷشتەر باس شتابىنىڭ ارنايى تاعايىندالعان كوميسسيياسى ەۋە شابۋىلىنا قارسى قورعانىس ەسكەرٸ بٶلٸمدەرٸ مەن بٶلٸمشەلەرٸنٸڭ جاۋىنگەرلٸك ەزٸرلٸگٸن جەنە ەۋە كەڭٸستٸگٸن قورعاۋ بويىنشا جاۋىنگەرلٸك كەزەكشٸلٸكتٸ اتقارۋ ساپاسىن تەكسەردٸ, دەپ حابارلايدى "ۇلت اقپارات" قورعانىس مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
«قورعانىس مينيسترٸ نۇرلان ەرمەكباەۆتىڭ نۇسقاۋى بويىنشا ەۋە شابۋىلىنا قارسى قورعانىس بٶلٸمدەرٸنٸڭ تۇراقتى جاۋىنگەرلٸك ەزٸرلٸگٸن تەكسەرۋ ماقساتىندا تۇتقيىلدان شابۋىل جاساۋ فاكتورىن پايدالانا وتىرىپ, ەۋەايلاقتاردان ەۋە كەڭٸستٸگٸن بۇزعان شارتتى قارسىلاسقا بارىنشا جاۋىنگەرلٸك جاعدايعا جاقىن بولا وتىرىپ سوققى بەرەتٸن جەنە بارلاۋ پيلوتسىز اپپاراتتار ۇشىرىلدى.
ەشقق ەسكەرلەرٸنٸڭ باس كوماندالىق پۋنكتٸندە ەۋە شابۋىلىنا قارسى قورعانىس بٶلٸمشەلەرٸنٸڭ كەزەكشٸ كٷشتەرٸنٸڭ ٸس-قيمىلىن مينيستردٸڭ بٸرٸنشٸ ورىنباسارى-قر قك باس شتابىنىڭ باستىعى گەنەرال-لەيتەنانت مۇرات بەكتانوۆ باقىلاپ وتىردى», دەلٸنگەن حابارلامادا.
تەكسەرۋ كەزٸندە ەۋە شابۋىلىنا قارسى قورعانىس ەسكەرٸنٸڭ كەزەكشٸ كٷشتەرٸ بيٸكتە ەمەس ٶتە الاسا ۇشاتىن ەۋە نىسانىن انىقتاپ, ولاردى ەۋە كەڭٸستٸگٸن بۇزۋشى رەتٸندە تانىپ, زەنيتتٸك زىمىران بٶلٸمشەسٸنٸڭ قارۋىمەن (شارتتى تٷردە) جويۋى تيٸس.
الماتى ٶڭٸرلٸك گارنيزونىنىڭ ەشقق ەسكەرلەرٸ بٶلٸمدەرٸنٸڭ كەزەكشٸ قۇرالدارى انىقتاۋ جەنە الىپ جٷرۋ الگوريتمٸن ورىنداي وتىرىپ, ناقتى ۋاقىت رەجيمٸندە ىقتيمال ەۋە قارسىلاسىنىڭ ۇشۋ اپپاراتىن (شارتتى تٷردە) جويدى. جاۋىنگەرلٸك جۇمىستىڭ تيٸمدٸلٸگٸ ٷشٸن شارتتى جاۋدى اسپانعا ۇستاۋعا جاقىن ماڭداعى اۆيابازادان جويعىش ۇشاقتار دا كٶتەرٸلدٸ. وقۋ-جاۋىنگەرلٸك تاپسىرما پىسىقتالدى.
سونىمەن قاتار, كوميسسييا شاعىن كٶلەمدەگٸ نىسانداردى, ونىڭ ٸشٸندە پيلوتسىز ۇشۋ اپپاراتتارىن ۇستاۋ جەنە جويۋعا قاتىستى ەۋە شابۋىلىنا قارسى قورعانىستى ۇيىمداستىرۋداعى جەكەلەگەن كەمشٸلٸكتٸ انىقتادى. تەكسەرۋ نەتيجەسٸ بويىنشا ەسەپتەر مەن ەكيپاجداردىڭ ٸس-قيمىلىنا نەعۇرلىم ەگجەي-تەگجەيلٸ تالداۋ جٷرگٸزٸلەدٸ جەنە ەشقق جٷيەسٸن جەتٸلدٸرۋ جٶنٸندەگٸ شارالار كەشەنٸ ەزٸرلەنەدٸ.
ەۋە شابۋىلىنا قارسى قورعانىس ەسكەرلەرٸ ەۋە كەڭٸستٸگٸن پايدالانۋ تەرتٸبٸنٸڭ ساقتالۋىن ٷزدٸكسٸز باقىلاۋدى جٷزەگە اسىرا وتىرىپ, تەۋلٸك بويى جاۋىنگەرلٸك كەزەكشٸلٸك اتقارادى.
