Qazirgi kúni Almaty oblysynda statsionarlarda oryn tapshylyǵy joq, dep habarlaidy "Ult aqparat".
Densaýlyq saqtaý basqarmasynyń basshysy Ómirzaq Niiazbekovtyń aitýynsha, elde jariialanǵan karantin óńirdegi epidahýaldyń jaqsarýyna oń áserin tigizdi.
«Oblysta COVID-19 infektsiiasymen kúreske meditsinalyq uiymdarda qosymsha provizorlyq oryndar ashylǵan bolatyn. Búgingi kúni provizorlyq oryndardyń 40 paiyzy ǵana jumys jasap tur. Meditsinalyq mekemeler 4 tamyzdan bastap qalypty jaǵdaidaǵy jumystaryn bastady. Iaǵni, naýqastar josparly túrde em qabyldaýyna bolady.
Sonymen qatar oblysta qurylǵan 391 mobildi top úide em sharalaryn taǵaiyndaý arqyly naýqastar sanynyń azaiýyna úlken septigin tigizdi», - dedi densaýlyq saqtaý basqarmasynyń basshysy Ómirzaq Niiazbekov.
Sonymen qatar basqarma basshysy oblystaǵy barlyq meditsinalyq mekemeler virýsqa qajetti dári-dármekpen qamtamasyz etilgenin atap ótti.
Qazirgi tańda Almaty oblysynda 3345 adam oblystaǵy meditsinalyq qyzmetkerlerdiń baqylaýynda. (Onyń ishinde statsionarlyq emdeýde – 1 637, 228– infektsiialyq, 1409-provizorlyq).
