قازٸرگٸ كٷنٸ الماتى وبلىسىندا ستاتسيونارلاردا ورىن تاپشىلىعى جوق, دەپ حابارلايدى "ۇلت اقپارات".
دەنساۋلىق ساقتاۋ باسقارماسىنىڭ باسشىسى ٶمٸرزاق نييازبەكوۆتىڭ ايتۋىنشا, ەلدە جارييالانعان كارانتين ٶڭٸردەگٸ ەپيداحۋالدىڭ جاقسارۋىنا وڭ ەسەرٸن تيگٸزدٸ.
«وبلىستا COVID-19 ينفەكتسيياسىمەن كٷرەسكە مەديتسينالىق ۇيىمداردا قوسىمشا پروۆيزورلىق ورىندار اشىلعان بولاتىن. بٷگٸنگٸ كٷنٸ پروۆيزورلىق ورىنداردىڭ 40 پايىزى عانا جۇمىس جاساپ تۇر. مەديتسينالىق مەكەمەلەر 4 تامىزدان باستاپ قالىپتى جاعدايداعى جۇمىستارىن باستادى. ياعني, ناۋقاستار جوسپارلى تٷردە ەم قابىلداۋىنا بولادى.
سونىمەن قاتار وبلىستا قۇرىلعان 391 موبيلدٸ توپ ٷيدە ەم شارالارىن تاعايىنداۋ ارقىلى ناۋقاستار سانىنىڭ ازايۋىنا ٷلكەن سەپتٸگٸن تيگٸزدٸ», - دەدٸ دەنساۋلىق ساقتاۋ باسقارماسىنىڭ باسشىسى ٶمٸرزاق نييازبەكوۆ.
سونىمەن قاتار باسقارما باسشىسى وبلىستاعى بارلىق مەديتسينالىق مەكەمەلەر ۆيرۋسقا قاجەتتٸ دەرٸ-دەرمەكپەن قامتاماسىز ەتٸلگەنٸن اتاپ ٶتتٸ.
قازٸرگٸ تاڭدا الماتى وبلىسىندا 3345 ادام وبلىستاعى مەديتسينالىق قىزمەتكەرلەردٸڭ باقىلاۋىندا. (ونىڭ ٸشٸندە ستاتسيونارلىق ەمدەۋدە – 1 637, 228– ينفەكتسييالىق, 1409-پروۆيزورلىق).
