Almaty oblysynda jolda qalǵan 15 júk kóligi men onyń jolaýshylary qutqaryldy. Oqiǵa respýblikalyq Úsharal-Dostyq jolynda boldy, dep habarlaidy "Ult aqparat".
Qazir atalǵan ýchaskede jol jabyq. Boran soǵyp, jol kórinbeidi. Almaty oblystyq TJD baspasóz qyzmetiniń málimetinshe, jolda qalǵan kólikter Dostyq beketinen shyǵyp Úsharalǵa qarai bara jatqan.
«Olar jol jabylmai turyp, shyǵyp ketken. Aýa-raiynyń qolaisyzdyǵyna bailanysty 29 qańtar kúni saǵat 22:30 Úsharal- Dostyq baǵytyndaǵy trassa jabyldy, onda barlyq kólik túrine júrýge bolmaidy. Búgin 30 qańtar kúni jolda qalǵan 15 júk kóligi jáne kólik salonyndaǵy 20 adam qar qursaýynan shyǵaryldy. Zardap shekkender joq»,- delingen TJD baspasóz qyzmetiniń habarlamasynda.
Atalǵan vedomstvonyń ókilderi, júrgizýshilerge jolǵa shyqpas buryn eskertý habarlamalarǵa qulaq asyp, aýa-raiy boljamymen tanysyp alýdy suraidy. Sonymen qatar, jolda qalǵan jaǵdaida 112 nomerine qońyraý shalý kerektigin eske salady.
