الماتى وبلىسىندا جولدا قالعان 15 جٷك كٶلٸگٸ مەن ونىڭ جولاۋشىلارى قۇتقارىلدى. وقيعا رەسپۋبليكالىق ٷشارال-دوستىق جولىندا بولدى, دەپ حابارلايدى "ۇلت اقپارات".
قازٸر اتالعان ۋچاسكەدە جول جابىق. بوران سوعىپ, جول كٶرٸنبەيدٸ. الماتى وبلىستىق تجد باسپاسٶز قىزمەتٸنٸڭ مەلٸمەتٸنشە, جولدا قالعان كٶلٸكتەر دوستىق بەكەتٸنەن شىعىپ ٷشارالعا قاراي بارا جاتقان.
«ولار جول جابىلماي تۇرىپ, شىعىپ كەتكەن. اۋا-رايىنىڭ قولايسىزدىعىنا بايلانىستى 29 قاڭتار كٷنٸ ساعات 22:30 ٷشارال- دوستىق باعىتىنداعى تراسسا جابىلدى, وندا بارلىق كٶلٸك تٷرٸنە جٷرۋگە بولمايدى. بٷگٸن 30 قاڭتار كٷنٸ جولدا قالعان 15 جٷك كٶلٸگٸ جەنە كٶلٸك سالونىنداعى 20 ادام قار قۇرساۋىنان شىعارىلدى. زارداپ شەككەندەر جوق»,- دەلٸنگەن تجد باسپاسٶز قىزمەتٸنٸڭ حابارلاماسىندا.
اتالعان ۆەدومستۆونىڭ ٶكٸلدەرٸ, جٷرگٸزۋشٸلەرگە جولعا شىقپاس بۇرىن ەسكەرتۋ حابارلامالارعا قۇلاق اسىپ, اۋا-رايى بولجامىمەن تانىسىپ الۋدى سۇرايدى. سونىمەن قاتار, جولدا قالعان جاعدايدا 112 نومەرٸنە قوڭىراۋ شالۋ كەرەكتٸگٸن ەسكە سالادى.
