Almaty oblysynda sybailas jemqorlyqqa qarsy qyzmet sheneýnikterdi ustaý sátiniń videosyn jariialady, dep habarlaidy Sputnik agenttigi.
Video Taldyqorǵanda ótken baspasóz máslihatynda kórsetildi. Oblystyq bilim basqarmasynyń jetekshisi Maigúl Omarova, Talǵar aýdanynyń burynǵy ákimi Serikjan Erekeshev pen ózge laýazymdy tulǵalarǵa qatysty qylmystyq óndiris qozǵaldy.
"Qylmystyq kodekstiń 366-babyna ("para alý") sáikes, sotqa deiingi tergeý júrip jatyr. Talǵar aýdanynyń burynǵy ákimi men ákimdik qyzmetkerleri birneshe márte para aldy degen kúdikke ilindi. Olar aldyn ala sóz bailasý boiynsha aqsha jymqyrǵan. Para berip, para alǵany úshin oblystyq aqparattyq tehnologiialar ǵylymi-tehnikalyq ortalyǵynyń jetekshisi de kúdikke ilinip otyr", - dedi sybailas jemqorlyqqa qarsy qyzmet ókili Dias Núsip.
Vedomstvoda ózge aqparat habarlanbaitynyn jetkizdi.
