الماتى وبلىسىندا سىبايلاس جەمقورلىققا قارسى قىزمەت شەنەۋنٸكتەردٸ ۇستاۋ سەتٸنٸڭ ۆيدەوسىن جارييالادى, دەپ حابارلايدى Sputnik اگەنتتٸگٸ.
ۆيدەو تالدىقورعاندا ٶتكەن باسپاسٶز مەسليحاتىندا كٶرسەتٸلدٸ. وبلىستىق بٸلٸم باسقارماسىنىڭ جەتەكشٸسٸ مايگٷل وماروۆا, تالعار اۋدانىنىڭ بۇرىنعى ەكٸمٸ سەرٸكجان ەرەكەشەۆ پەن ٶزگە لاۋازىمدى تۇلعالارعا قاتىستى قىلمىستىق ٶندٸرٸس قوزعالدى.
"قىلمىستىق كودەكستٸڭ 366-بابىنا ("پارا الۋ") سەيكەس, سوتقا دەيٸنگٸ تەرگەۋ جٷرٸپ جاتىر. تالعار اۋدانىنىڭ بۇرىنعى ەكٸمٸ مەن ەكٸمدٸك قىزمەتكەرلەرٸ بٸرنەشە مەرتە پارا الدى دەگەن كٷدٸككە ٸلٸندٸ. ولار الدىن الا سٶز بايلاسۋ بويىنشا اقشا جىمقىرعان. پارا بەرٸپ, پارا العانى ٷشٸن وبلىستىق اقپاراتتىق تەحنولوگييالار عىلىمي-تەحنيكالىق ورتالىعىنىڭ جەتەكشٸسٸ دە كٷدٸككە ٸلٸنٸپ وتىر", - دەدٸ سىبايلاس جەمقورلىققا قارسى قىزمەت ٶكٸلٸ دياس نٷسٸپ.
ۆەدومستۆودا ٶزگە اقپارات حابارلانبايتىنىن جەتكٸزدٸ.
