Almaty oblysynda óńirdiń bas memlekettik sanitariia dárigeriniń kezekti qaýlysy shyqty, dep habarlaidy "Ult aqparat".
Qabyldanǵan qujatqa sáikes, 11 aqpannan bastap shekteý sharalary jeńildeidi.
Onyń ishinde, meshitterde namaz oqýǵa ruqsat beriledi. Biraq meshit zalynda 30% - 100 adamnan artyq jinalýǵa bolmaidy.
«Juma namazy aýyldy jerlerde ǵana ruqsat etiledi, biraq 150 oryndyq meshitterdiń 25%-y ǵana tolýy kerek. Jeksenbi kúni saýda ortalyqtary, saýda oiyn-saýyq ortalyqtary, bazarlar, saýna, SPA-ortalyqtardyń jumys isteýine bolady. Qoǵamdyq tamaqtaný oryndarynyń (meiramhana, dámhana, bar, ashana) jumysy jalǵasady, biraq 50 orynnan artyq emes jáne ǵimarat ishi 50%-dan artyq tolmaýy kerek» delingen jarlyqta.
Sondai-aq, qarbalas ýaqytta aialdama men qoǵamdyq kólikte adamdar toptasyp qalmas úshin memlekettik mekemeler, organdar men uiymdar eńbek zańnamasyna sáikes differentsialyq jumys kestesin engizýi qajet.
«Jumysshylarynyń sany 250 adamnan asatyn iri kásipkerlik sýbektileri, memlekettik mekemeler, organdar men uiymdar jumys ýaqyty bitken soń jolaýshylardy tasymaldaý úshin qyzmettik avtokólik paidalanǵany abzal» delingen óńirdiń sanitariia dárigeriniń qujatynda.
