الماتى وبلىسىندا ٶڭٸردٸڭ باس مەملەكەتتٸك سانيتارييا دەرٸگەرٸنٸڭ كەزەكتٸ قاۋلىسى شىقتى, دەپ حابارلايدى "ۇلت اقپارات".
قابىلدانعان قۇجاتقا سەيكەس, 11 اقپاننان باستاپ شەكتەۋ شارالارى جەڭٸلدەيدٸ.
ونىڭ ٸشٸندە, مەشٸتتەردە ناماز وقۋعا رۇقسات بەرٸلەدٸ. بٸراق مەشٸت زالىندا 30% - 100 ادامنان ارتىق جينالۋعا بولمايدى.
«جۇما نامازى اۋىلدى جەرلەردە عانا رۇقسات ەتٸلەدٸ, بٸراق 150 ورىندىق مەشٸتتەردٸڭ 25%-ى عانا تولۋى كەرەك. جەكسەنبٸ كٷنٸ ساۋدا ورتالىقتارى, ساۋدا ويىن-ساۋىق ورتالىقتارى, بازارلار, ساۋنا, سپا-ورتالىقتاردىڭ جۇمىس ٸستەۋٸنە بولادى. قوعامدىق تاماقتانۋ ورىندارىنىڭ (مەيرامحانا, دەمحانا, بار, اسحانا) جۇمىسى جالعاسادى, بٸراق 50 ورىننان ارتىق ەمەس جەنە عيمارات ٸشٸ 50%-دان ارتىق تولماۋى كەرەك» دەلٸنگەن جارلىقتا.
سونداي-اق, قاربالاس ۋاقىتتا ايالداما مەن قوعامدىق كٶلٸكتە ادامدار توپتاسىپ قالماس ٷشٸن مەملەكەتتٸك مەكەمەلەر, ورگاندار مەن ۇيىمدار ەڭبەك زاڭناماسىنا سەيكەس ديففەرەنتسيالىق جۇمىس كەستەسٸن ەنگٸزۋٸ قاجەت.
«جۇمىسشىلارىنىڭ سانى 250 ادامنان اساتىن ٸرٸ كەسٸپكەرلٸك سۋبەكتٸلەرٸ, مەملەكەتتٸك مەكەمەلەر, ورگاندار مەن ۇيىمدار جۇمىس ۋاقىتى بٸتكەن سوڭ جولاۋشىلاردى تاسىمالداۋ ٷشٸن قىزمەتتٸك اۆتوكٶلٸك پايدالانعانى ابزال» دەلٸنگەن ٶڭٸردٸڭ سانيتارييا دەرٸگەرٸنٸڭ قۇجاتىندا.
