Almaty oblysynda burynǵy politsiia generaly Jailaýbek Halyqulynyń úiine qaraqshylyq shabýyl jasalǵany týraly aqparat tarady, dep habarlaidy ult.kz HALYQSTAN Telegram arnasyna silteme jasap.
Aldyn ala málimet boiynsha, oqiǵa 19 maýsymnan 20 maýsymǵa qaraǵan túni bolǵan. Túngi saǵat ekiler shamasynda betperde kigen tórt er adam jeke turǵyn úidiń qorshaýynan asyp ótip, aýlaǵa zańsyz kirgen.
Sol kezde úide generaldyń 1964 jyly týǵan jubaiy jáne onyń 2016 jáne 2018 jyly týǵan eki nemeresi bolǵan. Belgisiz adamdar aldymen kúzetshini beitaraptandyryp, qolyn bailap, aýzyn skotchpen japqan. Keiin áiel men balalardy da bailap tastaǵan.
Qaskóiler úiden shamamen 3 million teńge kólemindegi qolma-qol aqsha men altyn áshekei buiymdardy alyp ketken.
Shabýyl jasaǵandar oqiǵa ornynan ketkennen keiin balalardyń biri bosanyp shyǵyp, ata-anasyna habarlasqan. Osydan soń oqiǵa ornyna politsiia qyzmetkerleri shaqyrylǵan.
Jábirlenýshilerdiń aitýynsha, kúdiktilerdiń barlyǵy orys tilinde aktsentpen sóilegen.
Qazirgi ýaqytta quqyq qorǵaý organdary oqiǵanyń mán-jaiyn anyqtap, jedel-izdestirý sharalaryn júrgizip jatyr.
Aita keteiik, Jailaýbek Halyquly 2009-2016 jyldary Almaty jáne Aqmola oblystarynyń ishki ister departamentterin basqarǵan. 2022 jyly ol alaiaqtyq jolmen aqsha jáne múlik aldy degen kúdikpen ustalǵan bolatyn. Sol jyldyń tamyz aiynda tergeý izoliatorynda qaitys bolǵany habarlanǵan. Onyń ólimi mehanikalyq asfiksiia saldarynan bolǵany aitylǵan.
