الماتى وبلىسىندا بۇرىنعى پوليتسييا گەنەرالى جايلاۋبەك حالىقۇلىنىڭ ٷيٸنە قاراقشىلىق شابۋىل جاسالعانى تۋرالى اقپارات تارادى, دەپ حابارلايدى ult.kz HALYQSTAN Telegram ارناسىنا سٸلتەمە جاساپ.
الدىن الا مەلٸمەت بويىنشا, وقيعا 19 ماۋسىمنان 20 ماۋسىمعا قاراعان تٷنٸ بولعان. تٷنگٸ ساعات ەكٸلەر شاماسىندا بەتپەردە كيگەن تٶرت ەر ادام جەكە تۇرعىن ٷيدٸڭ قورشاۋىنان اسىپ ٶتٸپ, اۋلاعا زاڭسىز كٸرگەن.
سول كەزدە ٷيدە گەنەرالدىڭ 1964 جىلى تۋعان جۇبايى جەنە ونىڭ 2016 جەنە 2018 جىلى تۋعان ەكٸ نەمەرەسٸ بولعان. بەلگٸسٸز ادامدار الدىمەن كٷزەتشٸنٸ بەيتاراپتاندىرىپ, قولىن بايلاپ, اۋزىن سكوتچپەن جاپقان. كەيٸن ەيەل مەن بالالاردى دا بايلاپ تاستاعان.
قاسكٶيلەر ٷيدەن شامامەن 3 ميلليون تەڭگە كٶلەمٸندەگٸ قولما-قول اقشا مەن التىن ەشەكەي بۇيىمداردى الىپ كەتكەن.
شابۋىل جاساعاندار وقيعا ورنىنان كەتكەننەن كەيٸن بالالاردىڭ بٸرٸ بوسانىپ شىعىپ, اتا-اناسىنا حابارلاسقان. وسىدان سوڭ وقيعا ورنىنا پوليتسييا قىزمەتكەرلەرٸ شاقىرىلعان.
جەبٸرلەنۋشٸلەردٸڭ ايتۋىنشا, كٷدٸكتٸلەردٸڭ بارلىعى ورىس تٸلٸندە اكتسەنتپەن سٶيلەگەن.
قازٸرگٸ ۋاقىتتا قۇقىق قورعاۋ ورگاندارى وقيعانىڭ مەن-جايىن انىقتاپ, جەدەل-ٸزدەستٸرۋ شارالارىن جٷرگٸزٸپ جاتىر.
ايتا كەتەيٸك, جايلاۋبەك حالىقۇلى 2009-2016 جىلدارى الماتى جەنە اقمولا وبلىستارىنىڭ ٸشكٸ ٸستەر دەپارتامەنتتەرٸن باسقارعان. 2022 جىلى ول الاياقتىق جولمەن اقشا جەنە مٷلٸك الدى دەگەن كٷدٸكپەن ۇستالعان بولاتىن. سول جىلدىڭ تامىز ايىندا تەرگەۋ يزولياتورىندا قايتىس بولعانى حابارلانعان. ونىڭ ٶلٸمٸ مەحانيكالىق اسفيكسييا سالدارىنان بولعانى ايتىلعان.
