Kórneki sýret: nizh-gazeta.ru
Almaty oblysynda taksist mektep oqýshysyna shabýyl jasaǵan, - dep habarlaidy Tengrinews.kz tilshisi oblystyq PD baspasóz qyzmetine silteme jasap.
"Talǵar aýdanynda 14 jastaǵy oqýshyǵa shabýyl jasalǵany anyqtaldy. Kúdikti retinde taksist ustaldy. Ol mundai áreketke qarjylyq qiyndyqtar saldarynan barǵanyn aitty.
19 naýryzda Talǵardaǵy politseilerge Qarabulaq aýylyndaǵy jeke úide shabýyl jasalǵany týraly aqparat tústi. Úide mektep jasyndaǵy oqýshy júrgen. Er adam ony bailap, pyshaqpen qoqan-loqy kórsetip, aqsha men altyn berýin talap etken. Shoshyp qalǵan bala aiǵailai bastaǵan", - deidi politsiia ókilderi.
Qylmystyq is barysynda istiń mán-jaiyn anyqtaý úshin aýqymdy jumys júrgizilgen. Nátijesinde politseiler kúdikti aq tústi sheteldik kólikpen júrgenin nyqtaǵan.
"Júzdegen kólikti tekserip, politseiler Belbulaq aýylynyń 45 jastaǵy turǵyny jaldap aidap júrgen "Hiýndai aktsentti" anyqtady. Onyń ata-anasynyń úiin tintý barysynda qarý arsenaly tabyldy. Kúdikti bergen aqparat boiynsha, ol úige bala uiyqtap jatqanyn kórip, aiaq-asty kirgen", - dedi vedomstvo ókilderi.
