كٶرنەكٸ سۋرەت: nizh-gazeta.ru
الماتى وبلىسىندا تاكسيست مەكتەپ وقۋشىسىنا شابۋىل جاساعان, - دەپ حابارلايدى Tengrinews.kz تٸلشٸسٸ وبلىستىق پد باسپاسٶز قىزمەتٸنە سٸلتەمە جاساپ.
"تالعار اۋدانىندا 14 جاستاعى وقۋشىعا شابۋىل جاسالعانى انىقتالدى. كٷدٸكتٸ رەتٸندە تاكسيست ۇستالدى. ول مۇنداي ەرەكەتكە قارجىلىق قيىندىقتار سالدارىنان بارعانىن ايتتى.
19 ناۋرىزدا تالعارداعى پوليتسەيلەرگە قارابۇلاق اۋىلىنداعى جەكە ٷيدە شابۋىل جاسالعانى تۋرالى اقپارات تٷستٸ. ٷيدە مەكتەپ جاسىنداعى وقۋشى جٷرگەن. ەر ادام ونى بايلاپ, پىشاقپەن قوقان-لوقى كٶرسەتٸپ, اقشا مەن التىن بەرۋٸن تالاپ ەتكەن. شوشىپ قالعان بالا ايعايلاي باستاعان", - دەيدٸ پوليتسييا ٶكٸلدەرٸ.
قىلمىستىق ٸس بارىسىندا ٸستٸڭ مەن-جايىن انىقتاۋ ٷشٸن اۋقىمدى جۇمىس جٷرگٸزٸلگەن. نەتيجەسٸندە پوليتسەيلەر كٷدٸكتٸ اق تٷستٸ شەتەلدٸك كٶلٸكپەن جٷرگەنٸن نىقتاعان.
"جٷزدەگەن كٶلٸكتٸ تەكسەرٸپ, پوليتسەيلەر بەلبۇلاق اۋىلىنىڭ 45 جاستاعى تۇرعىنى جالداپ ايداپ جٷرگەن "حيۋنداي اكتسەنتتٸ" انىقتادى. ونىڭ اتا-اناسىنىڭ ٷيٸن تٸنتۋ بارىسىندا قارۋ ارسەنالى تابىلدى. كٷدٸكتٸ بەرگەن اقپارات بويىنشا, ول ٷيگە بالا ۇيىقتاپ جاتقانىن كٶرٸپ, اياق-استى كٸرگەن", - دەدٸ ۆەدومستۆو ٶكٸلدەرٸ.
