Ótken jyly Almaty oblysynda 15 dárigerlik ambýlatoriia men feldsherlik-akýsherlik pýnkt salynyp, 8 nysanǵa kúrdeli jóndeý jasaldy.
Biylǵy jyly osyndai 18 nysan turǵyzylady. Olardyń qatarynda Sarqan qalasy men Uzynaǵashtaǵy perzenthana da bar. Bul týraly oblys ákimi Amiandyq Batalovtyń turǵyndar aldyndaǵy esep berý jiynynda belgili boldy.
Memlekettik-jekemenshik seriktestigi mehanizmin qoldaný arqyly Taldyqorǵan qalasynda jalpy quny 7 mlrd. teńge bolatyn meditsinalyq aqparattyq júieler men avtomattandyrý keshenin engizýdiń eki jobasy júzege asyryla bastaidy.
- Biylǵy jyly biz mindetti meditsinalyq saqtandyrý júiesine kóshýdiń daiyndyq jumystaryn aiaqtap, densaýlyq saqtaý júiesin tsifrlandyrý arqyly meditsinalyq kómektiń qoljetimdiligi men tiimdiligin arttyrýymyz kerek, - dedi A. Batalov.
Atap ótsek, sońǵy eki jylda kompiýter satyp alýǵa 352 mln. teńge bólinip otyr, bul jabdyqtalý deńgeiin 100 %-ke jetkizýge múmkindik beredi. Oblystyq, aýdandyq aýrýhanalardyń barlyǵy da internet jelisine qosylǵan, basqa da meditsinalyq nysandardy qosý jumysy jalǵasýda.
