ٶتكەن جىلى الماتى وبلىسىندا 15 دەرٸگەرلٸك امبۋلاتورييا مەن فەلدشەرلٸك-اكۋشەرلٸك پۋنكت سالىنىپ, 8 نىسانعا كٷردەلٸ جٶندەۋ جاسالدى.
بيىلعى جىلى وسىنداي 18 نىسان تۇرعىزىلادى. ولاردىڭ قاتارىندا سارقان قالاسى مەن ۇزىناعاشتاعى پەرزەنتحانا دا بار. بۇل تۋرالى وبلىس ەكٸمٸ امياندىق باتالوۆتىڭ تۇرعىندار الدىنداعى ەسەپ بەرۋ جيىنىندا بەلگٸلٸ بولدى.
مەملەكەتتٸك-جەكەمەنشٸك سەرٸكتەستٸگٸ مەحانيزمٸن قولدانۋ ارقىلى تالدىقورعان قالاسىندا جالپى قۇنى 7 ملرد. تەڭگە بولاتىن مەديتسينالىق اقپاراتتىق جٷيەلەر مەن اۆتوماتتاندىرۋ كەشەنٸن ەنگٸزۋدٸڭ ەكٸ جوباسى جٷزەگە اسىرىلا باستايدى.
- بيىلعى جىلى بٸز مٸندەتتٸ مەديتسينالىق ساقتاندىرۋ جٷيەسٸنە كٶشۋدٸڭ دايىندىق جۇمىستارىن اياقتاپ, دەنساۋلىق ساقتاۋ جٷيەسٸن تسيفرلاندىرۋ ارقىلى مەديتسينالىق كٶمەكتٸڭ قولجەتٸمدٸلٸگٸ مەن تيٸمدٸلٸگٸن ارتتىرۋىمىز كەرەك, - دەدٸ ا. باتالوۆ.
اتاپ ٶتسەك, سوڭعى ەكٸ جىلدا كومپيۋتەر ساتىپ الۋعا 352 ملن. تەڭگە بٶلٸنٸپ وتىر, بۇل جابدىقتالۋ دەڭگەيٸن 100 %-كە جەتكٸزۋگە مٷمكٸندٸك بەرەدٸ. وبلىستىق, اۋداندىق اۋرۋحانالاردىڭ بارلىعى دا ينتەرنەت جەلٸسٸنە قوسىلعان, باسقا دا مەديتسينالىق نىسانداردى قوسۋ جۇمىسى جالعاسۋدا.
