Almaty oblysynda 62 jastaǵy er adam oqýshyǵa tiisti dep aiyptaldy. Ol 15 jastaǵy qyzdyń óz atasy eken, dep habarlaidy ult.kz Stan.kz saityna siltep.
Bul shal jasóspirimniń anasy jumysqa ketkenin paidalanyp, qyzdy súiip, porno kórsetken. Tipti túnde janyna kelip, keýdesinen, jambasynan ustaidy eken.
Oqýshy qyzdyń aitýynsha, er adam mundai áreketterin naýryz aiynan bastaǵan. Biraq ol júkti anasynyń kóńiline qaiaý salamyn ba dep qorqyp, aitpaǵan.
Jasóspirimniń anasy meiirger bolyp jumys isteidi. Birinshi kúieýi ómirden ozǵan soń ekinshi ret turmysqa shyqqan. Birinshi nekesinen eki balasy, ekinshi kúieýinen kishkentai qyzy bar. Áiel bolǵan jaǵdai týraly kúieýimen sóilespek bolǵanda ol uryp tastaǵan. Júkti áiel qaiyn atasynyń ústinen politsiiaǵa aryz jazyp, úsh balasyn alyp ketip qalǵan.
Kúdikti ázirge bostandyqta júr. Ol mektep avtobýsynyń júrgizýshisi bolyp jumys isteidi eken.
Al politsiia qylmystyq is qozǵaǵanyn habarlady. Qazir tergeý júrip jatyr.
