Búgin Almaty oblysy aktiviniń jinalysy barysynda Almaty oblysy ákimi Amandyq Batalov jańa orynbasaryn tanystyrdy. Bul qyzmetke buǵan deiin QR Premer-Ministri Keńsesiniń Óńirlik damý bólimi meńgerýshisiniń mindetin atqarǵan Tuiaqov Jeńis Shylbynuly taǵaiyndaldy, dep habarlaidy "Ult aqparat" oblys ákiminiń baspasóz qyzmetine silteme jasap.
Jeńis Tuiaqov – Almaty oblysynyń týmasy, 1967 jyly dúniege kelgen. Eki joǵary bilimi bar: «Ekonomika jáne menedjment» mamandyǵy boiynsha ekonomika jáne quqyq institýtyn jáne Almaty memlekettik meditsinalyq institýtyn támamdaǵan.
Taǵaiyndalǵan oblys ákiminiń orynbasary ortalyq jáne jergilikti atqarýshy organdardaǵy basqarý jumysynda mol tájiribege ie. Ártúrli jyldary QR Energetika ministrliginiń departament direktory bolyp jumys istegen, Qazaqstannyń birneshe óńirinde, atap aitqanda: Almaty, Jambyl, Pavlodar oblystary men Almaty qalasynyń energetika jáne turǵyn úi – kommýnaldyq sharýashylyq salalarynda salalyq qurylymdardy basqarǵan.
Sonymen qatar, energetika salasyndaǵy ulttyq kompaniialarda basshylyq qyzmetterdi atqarǵan, sonyń ishinde Qazaqstannyń elektr jelilerin basqarý kompaniiasynyń («KEGOC») basqarýshy direktory bolyp jumys istedi.
