بٷگٸن الماتى وبلىسى اكتيۆٸنٸڭ جينالىسى بارىسىندا الماتى وبلىسى ەكٸمٸ اماندىق باتالوۆ جاڭا ورىنباسارىن تانىستىردى. بۇل قىزمەتكە بۇعان دەيٸن قر پرەمەر-مينيسترٸ كەڭسەسٸنٸڭ ٶڭٸرلٸك دامۋ بٶلٸمٸ مەڭگەرۋشٸسٸنٸڭ مٸندەتٸن اتقارعان تۇياقوۆ جەڭٸس شىلبىنۇلى تاعايىندالدى, دەپ حابارلايدى "ۇلت اقپارات" وبلىس ەكٸمٸنٸڭ باسپاسٶز قىزمەتٸنە سٸلتەمە جاساپ.
جەڭٸس تۇياقوۆ – الماتى وبلىسىنىڭ تۋماسى, 1967 جىلى دٷنيەگە كەلگەن. ەكٸ جوعارى بٸلٸمٸ بار: «ەكونوميكا جەنە مەنەدجمەنت» ماماندىعى بويىنشا ەكونوميكا جەنە قۇقىق ينستيتۋتىن جەنە الماتى مەملەكەتتٸك مەديتسينالىق ينستيتۋتىن تەمامداعان.
تاعايىندالعان وبلىس ەكٸمٸنٸڭ ورىنباسارى ورتالىق جەنە جەرگٸلٸكتٸ اتقارۋشى ورگاندارداعى باسقارۋ جۇمىسىندا مول تەجٸريبەگە يە. ەرتٷرلٸ جىلدارى قر ەنەرگەتيكا مينيسترلٸگٸنٸڭ دەپارتامەنت ديرەكتورى بولىپ جۇمىس ٸستەگەن, قازاقستاننىڭ بٸرنەشە ٶڭٸرٸندە, اتاپ ايتقاندا: الماتى, جامبىل, پاۆلودار وبلىستارى مەن الماتى قالاسىنىڭ ەنەرگەتيكا جەنە تۇرعىن ٷي – كوممۋنالدىق شارۋاشىلىق سالالارىندا سالالىق قۇرىلىمداردى باسقارعان.
سونىمەن قاتار, ەنەرگەتيكا سالاسىنداعى ۇلتتىق كومپانييالاردا باسشىلىق قىزمەتتەردٸ اتقارعان, سونىڭ ٸشٸندە قازاقستاننىڭ ەلەكتر جەلٸلەرٸن باسقارۋ كومپانيياسىنىڭ («KEGOC») باسقارۋشى ديرەكتورى بولىپ جۇمىس ٸستەدٸ.
