QR Sybailas jemqorlyqqa qarsy is-qimyl agenttigi tóraǵasynyń birinshi orynbasary Oljas Bektenov Almaty oblysy ákiminiń orynbasary Baǵdat Manzorovtyń ustalǵanyn rastady, dep habarlaidy "Ult aqparat".
«Almaty oblysy ákiminiń orynbasary Manzorov myrza shynymen de ustalǵanyn rastaimyn. Qazirgi kezde ol ýaqytsha ustaý izoliatorynda qamaýda otyr», - dedi O. Bektenov Parlament Senatynda tilshiler saýalyna jaýap bere otyryp.
Onyń sózine qaraǵanda, onyń jasaǵan áreketin baǵalaý boiynsha másele qaralyp jatyr.
«Budan basqa aqparatty jariialai almaimyn. Ózderińiz bilesizder, tergeý qupiialyǵy bar, sondai-aq qylmystyq is júrigizýdiń talaptaryn da umytpaý kerek. Tiisti aqparat bolǵan jaǵdaida, ony buqaralyq aqparat quraldaryna jariialaimyz», - dedi Oljas Bektenov.
Eske sala keteiik, Manzorov Baǵdat Sailanbaiuly biyl shilde aiynda Almaty oblysy ákiminiń orynbasary qyzmetine taǵaiyndalǵan bolatyn.
Sondai-aq, keshe birqatar BAQ pen áleýmettik jelide Baǵdat Manzorovtyń ustalǵany jaily aqparat tarady. Alaida oblys ákimdiginiń baspasóz qyzmeti bul málimetti rastaǵan joq, Manzorovtyń qyzmet babymen issaparda júrgenin habarlady. Istiń anyq-qanyǵyna kóz jetkizý úshin quzyrly organdarǵa saýal joldaǵan.
