قر سىبايلاس جەمقورلىققا قارسى ٸس-قيمىل اگەنتتٸگٸ تٶراعاسىنىڭ بٸرٸنشٸ ورىنباسارى ولجاس بەكتەنوۆ الماتى وبلىسى ەكٸمٸنٸڭ ورىنباسارى باعدات مانزوروۆتىڭ ۇستالعانىن راستادى, دەپ حابارلايدى "ۇلت اقپارات".
«الماتى وبلىسى ەكٸمٸنٸڭ ورىنباسارى مانزوروۆ مىرزا شىنىمەن دە ۇستالعانىن راستايمىن. قازٸرگٸ كەزدە ول ۋاقىتشا ۇستاۋ يزولياتورىندا قاماۋدا وتىر», - دەدٸ و. بەكتەنوۆ پارلامەنت سەناتىندا تٸلشٸلەر ساۋالىنا جاۋاپ بەرە وتىرىپ.
ونىڭ سٶزٸنە قاراعاندا, ونىڭ جاساعان ەرەكەتٸن باعالاۋ بويىنشا مەسەلە قارالىپ جاتىر.
«بۇدان باسقا اقپاراتتى جارييالاي المايمىن. ٶزدەرٸڭٸز بٸلەسٸزدەر, تەرگەۋ قۇپييالىعى بار, سونداي-اق قىلمىستىق ٸس جٷرٸگٸزۋدٸڭ تالاپتارىن دا ۇمىتپاۋ كەرەك. تيٸستٸ اقپارات بولعان جاعدايدا, ونى بۇقارالىق اقپارات قۇرالدارىنا جارييالايمىز», - دەدٸ ولجاس بەكتەنوۆ.
ەسكە سالا كەتەيٸك, مانزوروۆ باعدات سايلانبايۇلى بيىل شٸلدە ايىندا الماتى وبلىسى ەكٸمٸنٸڭ ورىنباسارى قىزمەتٸنە تاعايىندالعان بولاتىن.
سونداي-اق, كەشە بٸرقاتار باق پەن ەلەۋمەتتٸك جەلٸدە باعدات مانزوروۆتىڭ ۇستالعانى جايلى اقپارات تارادى. الايدا وبلىس ەكٸمدٸگٸنٸڭ باسپاسٶز قىزمەتٸ بۇل مەلٸمەتتٸ راستاعان جوق, مانزوروۆتىڭ قىزمەت بابىمەن ٸسساپاردا جٷرگەنٸن حابارلادى. ٸستٸڭ انىق-قانىعىنا كٶز جەتكٸزۋ ٷشٸن قۇزىرلى ورگاندارعا ساۋال جولداعان.
