Almaty naryǵynda IT-mamandary men bilim jáne densaýlyq saqtaý salalarynyń mamandary suranysqa ie, dep habarlaidy QazAqparat.
Pandemiia kezindegi suranysqa ie mamandar tizimin Almaty qalasynyń halyqty Jumyspen qamtý ortalyǵynyń direktory Diliara Imanqulova jariialady. Bul tizimde jumysshy mamandyqtar bar, olardyń qyzmetine megapolistiń kásiporyndary óte muqtaj.
Diliara Imanqulovanyń aitýynsha, pandemiia kezinde kóptegen almatylyqtar turaqty damyp kele jatqan jáne ózderi kútetin jalaqy turǵysynan eń tartymdy bolyp tabylatyn IT salalarynda jumys isteýge umtylady. Buǵan kóptegen uiymdardyń qashyqtyqtan jumys isteý rejimine jáne onlain formatqa aýysýy áser etýi múmkin.
Taǵy bir erekshelik - bilim berý jáne densaýlyq saqtaý salasynyń mamandaryna suranystyń artýy. Árine, burynǵydai suranysqa ie mamandyqtardyń qatarynda – jumysshy mamandyqtar. Qalaǵa qurylysshylar, dánekerleýshiler, montajshylar, sylaqshylar, tiginshiler, býhgalterler, shashtarazdar, kýrerler, tehnikalyq qyzmetkerlerge qyzmet kórsetetin kúzetshiler qajet.
«Bizdiń qala turǵyndaryn «Eńbek» baǵdarlamasy boiynsha oqytýǵa jáne jumysqa ornalastyrýǵa, keiinnen óz isin ashýǵa grant alý úshin «Biznes Bastaý» jobasyna qatysýǵa kómektesýge múmkindigimiz bar», - dep habarlady Diliara Imanqulova.
Pandemiia kórsetkendei, eńbek naryǵy jumys protsesterin qaita qurý qajet degen shyndyqqa betpe-bet keldi, sondyqtan qala turǵyndarynyń suranysqa ie jumysshy mamandyqtaryn úirenýge múmkindikteri bar. Ol úshin Jumyspen qamtý ortalyǵyna júginý qajet, onda oqý jáne keiinnen jumysqa ornalasý týraly tolyq aqparat alýǵa bolady.
