الماتى نارىعىندا ٸت-ماماندارى مەن بٸلٸم جەنە دەنساۋلىق ساقتاۋ سالالارىنىڭ ماماندارى سۇرانىسقا يە, دەپ حابارلايدى قازاقپارات.
پاندەمييا كەزٸندەگٸ سۇرانىسقا يە ماماندار تٸزٸمٸن الماتى قالاسىنىڭ حالىقتى جۇمىسپەن قامتۋ ورتالىعىنىڭ ديرەكتورى ديليارا يمانقۇلوۆا جارييالادى. بۇل تٸزٸمدە جۇمىسشى ماماندىقتار بار, ولاردىڭ قىزمەتٸنە مەگاپوليستٸڭ كەسٸپورىندارى ٶتە مۇقتاج.
ديليارا يمانقۇلوۆانىڭ ايتۋىنشا, پاندەمييا كەزٸندە كٶپتەگەن الماتىلىقتار تۇراقتى دامىپ كەلە جاتقان جەنە ٶزدەرٸ كٷتەتٸن جالاقى تۇرعىسىنان ەڭ تارتىمدى بولىپ تابىلاتىن ٸت سالالارىندا جۇمىس ٸستەۋگە ۇمتىلادى. بۇعان كٶپتەگەن ۇيىمداردىڭ قاشىقتىقتان جۇمىس ٸستەۋ رەجيمٸنە جەنە ونلاين فورماتقا اۋىسۋى ەسەر ەتۋٸ مٷمكٸن.
تاعى بٸر ەرەكشەلٸك - بٸلٸم بەرۋ جەنە دەنساۋلىق ساقتاۋ سالاسىنىڭ ماماندارىنا سۇرانىستىڭ ارتۋى. ەرينە, بۇرىنعىداي سۇرانىسقا يە ماماندىقتاردىڭ قاتارىندا – جۇمىسشى ماماندىقتار. قالاعا قۇرىلىسشىلار, دەنەكەرلەۋشٸلەر, مونتاجشىلار, سىلاقشىلار, تٸگٸنشٸلەر, بۋحگالتەرلەر, شاشتارازدار, كۋرەرلەر, تەحنيكالىق قىزمەتكەرلەرگە قىزمەت كٶرسەتەتٸن كٷزەتشٸلەر قاجەت.
«بٸزدٸڭ قالا تۇرعىندارىن «ەڭبەك» باعدارلاماسى بويىنشا وقىتۋعا جەنە جۇمىسقا ورنالاستىرۋعا, كەيٸننەن ٶز ٸسٸن اشۋعا گرانت الۋ ٷشٸن «بيزنەس باستاۋ» جوباسىنا قاتىسۋعا كٶمەكتەسۋگە مٷمكٸندٸگٸمٸز بار», - دەپ حابارلادى ديليارا يمانقۇلوۆا.
پاندەمييا كٶرسەتكەندەي, ەڭبەك نارىعى جۇمىس پروتسەستەرٸن قايتا قۇرۋ قاجەت دەگەن شىندىققا بەتپە-بەت كەلدٸ, سوندىقتان قالا تۇرعىندارىنىڭ سۇرانىسقا يە جۇمىسشى ماماندىقتارىن ٷيرەنۋگە مٷمكٸندٸكتەرٸ بار. ول ٷشٸن جۇمىسپەن قامتۋ ورتالىعىنا جٷگٸنۋ قاجەت, وندا وقۋ جەنە كەيٸننەن جۇمىسقا ورنالاسۋ تۋرالى تولىق اقپارات الۋعا بولادى.
