Almatydaǵy mektepterdiń birinde jańa oqý jylynda 1 "Iu" synyby ashyldy, - dep habarlaidy Tengrinews.kz qalalyq bilim basqarmasyna silteme jasap.
"Iu" synyby № 157 jalpy bilim beretin mektepte paida boldy. Ol Naýryzbai aýdanynda ornalasqan. Biylǵy oqý jylynda onda birinshi synypqa 714 bala qabyldandy. Oqýshylar 28 synypqa bólindi.
"Mekteptegi mundai jaǵdai jańa shaǵynaýdandardyń salynýyna bailanysty, onyń ishinde Alma City, Shuǵyla jáne basqasy bar. Mektep 1540 balaǵa eseptelgen. Jalpy, bul jerde 1-den 11-synypqa deiingi 4862 oqýshy bar. Olar 185 synypqa bólingen", - dedi Almaty qalasy bilim basqarmasynyń baspasóz qyzmetindegiler.
Aita keteiik, mektepte ata-analardyń ótinishi boiynsha 1118 oqýshy onlain oqýǵa kóshkeni habarlandy. Sondyqtan osy oqý ornynda oflain formatta 177 synyp bolady. Olar eki aýysymǵa bólinedi: 88 - birinshi, 89 - ekinshi. Ol úshin mektepte 95 kabinet bar.
Buǵan deiin jańa oqý jylynda Almaty boiynsha 1-synypqa 30 myńnan asa bala barǵany habarlanǵan edi. Biyl 1 qyrkúiekte qalanyń barlyq mektebinde "Alǵashqy qońyraý" uiymdastyryldy. Alaida olarǵa tek birinshi synyp oqýshylary qatysty.
Eske salaiyq, Aqmola oblysynyń Qosshy qalasynda jańa oqý jylynda birinshi synyp oqýshylarynyń sany 2020 jylǵy kórsetkishten asyp tústi. № 2 orta mektepte 1 "Y" synyby ashyldy.
