Qaraǵandyda velosiped urlyǵyna qatysy bar degen kúdikpen 33 jastaǵy er adam men 29 jastaǵy áiel ustaldy. Politsiianyń boljamynshau, olar birge velosiped minip júrý arqyly ainalasyndaǵylardyń kúdigin seiiltýdi kózdegen, dep habarlaidy ult.kz.
Polisia.kz málimetinshe, bes kún ishinde úsh qala turǵyny velosiped urlyǵynyń qurbany bolǵan. Jalpy shyǵyn 300 myń teńgeden asqan.
Aryzdardan keiin jedel ýákilder kúdiktilerdi anyqtap, ustady. Qazir olar ýaqytsha ustaý izoliatoryna qamalǵan. Atalǵan faktiler boiynsha sotqa deiingi tergeý bastaldy.
Politsiia ustalǵandardyń qaladaǵy basqa da osyǵan uqsas urlyqtarǵa qatysy bar-joǵyn tekserip jatyr.
Quqyq qorǵaý organdary turǵyndarǵa velosipedterdi, samokattar men balalar arbalaryn qaraýsyz qaldyrmaýǵa jáne urlyqqa qarsy senimdi qulyptardy paidalanýǵa keńes berdi.
