Mańǵystaý óńiri Travel + Leisure India and South Asia halyqaralyq basylymynyń 2027 jyly saiahattaýǵa usynylǵan úzdik 20 baǵytynyń qataryna qosyldy, dep habarlaidy ult.kz.
Jýrnaldyń 2026 jylǵy qazan aiyndaǵy baspa nusqasynda jariialanǵan The Next 20 arnaiy tiziminde Mańǵystaý 10-orynǵa ornalasty.
Maqalada óńirdiń biregei tabiǵaty, tarihi murasy jáne shytyrman oqiǵaly týrizmdi damytý múmkindikteri atap ótilgen. Atap aitqanda, jartasqa qashalǵan jerasty meshitteri, Airaqty qamaldar ańǵary men Bozjyra shatqaly óńirdiń basty kórikti jerleri retinde kórsetilgen.
Sondai-aq materialda týristik infraqurylúymdy damytý, kólik qatynasynyń qoljetimdiligin arttyrý jáne belsendi demalysqa arnalǵan jańa marshrýttar ashý máselelerine nazar aýdarylǵan.
Jariialanymdy daiyndaýǵa «Kazakh Tourism» ulttyq kompaniiasy men Qazaqstannyń kelý týrizmi boiynsha týroperatory Redmaya Travel Qazaqstan qoldaý kórsetken.
Aita keteiik, 2025 jyldyń qorytyndysy boiynsha Úndistan Qazaqstannyń ornalastyrý oryndarynda tirkelgen sheteldik azamattar sany boiynsha úshinshi orynǵa ie boldy. Byltyr Úndistannan Qazaqstanǵa shamamen 158 myń týrist kelse, 2026 jyldyń alǵashqy toǵyz aiynda bul kórsetkish 93 myńǵa jýyqtaǵan.
