الماتىداعى مەكتەپتەردٸڭ بٸرٸندە جاڭا وقۋ جىلىندا 1 "يۋ" سىنىبى اشىلدى, - دەپ حابارلايدى Tengrinews.kz قالالىق بٸلٸم باسقارماسىنا سٸلتەمە جاساپ.
"يۋ" سىنىبى № 157 جالپى بٸلٸم بەرەتٸن مەكتەپتە پايدا بولدى. ول ناۋرىزباي اۋدانىندا ورنالاسقان. بيىلعى وقۋ جىلىندا وندا بٸرٸنشٸ سىنىپقا 714 بالا قابىلداندى. وقۋشىلار 28 سىنىپقا بٶلٸندٸ.
"مەكتەپتەگٸ مۇنداي جاعداي جاڭا شاعىناۋدانداردىڭ سالىنۋىنا بايلانىستى, ونىڭ ٸشٸندە Alma City, شۇعىلا جەنە باسقاسى بار. مەكتەپ 1540 بالاعا ەسەپتەلگەن. جالپى, بۇل جەردە 1-دەن 11-سىنىپقا دەيٸنگٸ 4862 وقۋشى بار. ولار 185 سىنىپقا بٶلٸنگەن", - دەدٸ الماتى قالاسى بٸلٸم باسقارماسىنىڭ باسپاسٶز قىزمەتٸندەگٸلەر.
ايتا كەتەيٸك, مەكتەپتە اتا-انالاردىڭ ٶتٸنٸشٸ بويىنشا 1118 وقۋشى ونلاين وقۋعا كٶشكەنٸ حابارلاندى. سوندىقتان وسى وقۋ ورنىندا وفلاين فورماتتا 177 سىنىپ بولادى. ولار ەكٸ اۋىسىمعا بٶلٸنەدٸ: 88 - بٸرٸنشٸ, 89 - ەكٸنشٸ. ول ٷشٸن مەكتەپتە 95 كابينەت بار.
بۇعان دەيٸن جاڭا وقۋ جىلىندا الماتى بويىنشا 1-سىنىپقا 30 مىڭنان اسا بالا بارعانى حابارلانعان ەدٸ. بيىل 1 قىركٷيەكتە قالانىڭ بارلىق مەكتەبٸندە "العاشقى قوڭىراۋ" ۇيىمداستىرىلدى. الايدا ولارعا تەك بٸرٸنشٸ سىنىپ وقۋشىلارى قاتىستى.
ەسكە سالايىق, اقمولا وبلىسىنىڭ قوسشى قالاسىندا جاڭا وقۋ جىلىندا بٸرٸنشٸ سىنىپ وقۋشىلارىنىڭ سانى 2020 جىلعى كٶرسەتكٸشتەن اسىپ تٷستٸ. № 2 ورتا مەكتەپتە 1 "ى" سىنىبى اشىلدى.
