Shymkentte marketpleis arqyly bý útigin satyp alǵan turǵyn aqshasyn qaitara almaǵan soń, satýshyny sotqa uberdi. Sot sheshimimen kásipkerden taýar quny, ósimpul, moraldyq ziian ótemaqysy jáne sot shyǵyndary óndirildi, dep habarlaidy ult.kz.
Qalalyq sottyń málimetinshe, turǵyn útikti 64 myń teńgege satyp alǵan. Alaida ony paidalanǵan kezde bý shyǵarý fýnktsiiasy durys jumys istemegen. Tutynýshy taýardy tekserý úshin satýshyǵa tapsyrǵanymen, aqshasyn qaitara almaǵan.
Sotta kásipker útiktiń jaramdylyǵyn rastaityn qujattar men saraptama qorytyndysyn usynbaǵan.
Nátijesinde sot satýshydan 64 myń teńge taýar qunyn, 55 myń teńgeden astam ósimpul jáne 20 myń teńge moraldyq ziian ótemaqysyn óndirdi. Buǵan qosa, sot shyǵyndary da ótelýge tiis.
Al marketpleis pen bankke qatysty talaptar qanaǵattandyrylmady. Sot olar taýar satýshysy emes, tiisinshe tehnologiialyq alań men qarjylyq qyzmet kórsetýshi ekenin eskergen.
Sot sheshimi zańdy kúshine endi.
