Qyzylordadaǵy zań kompaniialarynyń biri kúdiktiniń júrgen jerin anyqtaýǵa kómektesken adamǵa 500 myń teńge syiaqy jariialady, dep habarlaidy ult.kz.
Kompaniianyń habarlaýynsha, aqparat naqty ári shynaiy bolyp, kúdiktini tabýǵa tikelei yqpal etýi kerek. Syiaqy quqyq qorǵaý organdary aqparattyń nátijeliligin rastaǵannan keiin tólenedi. Kúdikti týraly málimet biletinder 102 nómirine habarlasa alady.
Qaiǵyly oqiǵa 13 qazanda saǵat 17:00 shamasynda Qyzylorda qalasyndaǵy Qultekenov kóshesinde bolǵan. Kólik astyna túsken áiel aýyr jaraqat alyp, aýrýhanaǵa jetkizildi. Onyń bes ailyq uly da basynan jaraqattanyp, aýrýhanaǵa túsken. Alaida dárigerler sábidiń ómirin saqtap qala almady.
Politsiia kúdiktini izdestirý sharalaryn jalǵastyryp jatyr. Qalaǵa kiretin joldardaǵy baqylaý kúsheitilip, izdestirýge tártip saqshylary jumyldyrylǵan. Ázirge júrgizýshiniń qaida ekeni belgisiz.
