Almatylyq muǵalimder mektep túlekteriniń aldaǵy ulttyq biryńǵai testileýge daiyndyǵy týraly aitty, dep habarlaidy "Ult aqparat".
Almatydaǵy №136 mektep-gimnaziia direktorynyń oqý isi jónindegi orynbasary Nurgúl Jumanbektiń aitýynsha, ótken jyly pandemiiaǵa bailanysty oqýshylar sońǵy toqsandy onlain aiaqtaǵan, biraq bul on birinshi synyp oqýshylarynyń test nátijesine áser etken joq. Byltyrǵy túlekter ulttyq biryńǵai testileýdi offlain rejiminde barlyq sanitarlyq normalarǵa sáikes tapsyrdy.
«Biyl bizdiń mektepte 11-synypty 41 oqýshy bitiredi. Jańa oqý jylynda túlekter arnaiy saittar arqyly aldyn ala testileýdi onlain tapsyrdy. Muǵalimder kúndelikti oqýshylarmen bailanysta bolady jáne barlyq daiyndyq protsesi men synaq testileriniń nátijelerin baqylaidy», - dedi Nurgúl Jumanbek.
Almaty qalasynyń bilim basqarmasy atap ótkendei, QR Bas sanitar dárigeriniń buiryǵymen úshinshi toqsannan bastap 9 jáne 11 synyp oqýshylary mektepke oralady.
«Úshinshi toqsannan bastap túlekter dástúrli formatta oqidy. Iaǵni synaqty mektep qabyrǵasynda ótkizedi. Aldaǵy emtihandarǵa daiyndyq burynǵydai jalǵasady», - dep qosty Nurgúl Jumanbek.
