الماتىلىق مۇعالٸمدەر مەكتەپ تٷلەكتەرٸنٸڭ الداعى ۇلتتىق بٸرىڭعاي تەستٸلەۋگە دايىندىعى تۋرالى ايتتى, دەپ حابارلايدى "ۇلت اقپارات".
الماتىداعى №136 مەكتەپ-گيمنازييا ديرەكتورىنىڭ وقۋ ٸسٸ جٶنٸندەگٸ ورىنباسارى نۇرگٷل جۇمانبەكتٸڭ ايتۋىنشا, ٶتكەن جىلى پاندەميياعا بايلانىستى وقۋشىلار سوڭعى توقساندى ونلاين اياقتاعان, بٸراق بۇل ون بٸرٸنشٸ سىنىپ وقۋشىلارىنىڭ تەست نەتيجەسٸنە ەسەر ەتكەن جوق. بىلتىرعى تٷلەكتەر ۇلتتىق بٸرىڭعاي تەستٸلەۋدٸ وففلاين رەجيمٸندە بارلىق سانيتارلىق نورمالارعا سەيكەس تاپسىردى.
«بيىل بٸزدٸڭ مەكتەپتە 11-سىنىپتى 41 وقۋشى بٸتٸرەدٸ. جاڭا وقۋ جىلىندا تٷلەكتەر ارنايى سايتتار ارقىلى الدىن الا تەستٸلەۋدٸ ونلاين تاپسىردى. مۇعالٸمدەر كٷندەلٸكتٸ وقۋشىلارمەن بايلانىستا بولادى جەنە بارلىق دايىندىق پروتسەسٸ مەن سىناق تەستٸلەرٸنٸڭ نەتيجەلەرٸن باقىلايدى», - دەدٸ نۇرگٷل جۇمانبەك.
الماتى قالاسىنىڭ بٸلٸم باسقارماسى اتاپ ٶتكەندەي, قر باس سانيتار دەرٸگەرٸنٸڭ بۇيرىعىمەن ٷشٸنشٸ توقساننان باستاپ 9 جەنە 11 سىنىپ وقۋشىلارى مەكتەپكە ورالادى.
«ٷشٸنشٸ توقساننان باستاپ تٷلەكتەر دەستٷرلٸ فورماتتا وقيدى. ياعني سىناقتى مەكتەپ قابىرعاسىندا ٶتكٸزەدٸ. الداعى ەمتيحاندارعا دايىندىق بۇرىنعىداي جالعاسادى», - دەپ قوستى نۇرگٷل جۇمانبەك.
