Almaty mektepteri jyl sońyna deiin beinekameralarmen qamtylatyn boldy. Bul týraly Almaty qalasy Bilim salasynda sapany qamtamasyz etý departamentiniń basshysy Gúlnar Ermekbaeva onlain brifing barysynda aitty, dep habarlaidy "Ult aqparat".
Spikerdiń aitýynsha, 2021 jyldyń qańtarynan «Bilim berý júiesin tekserý barysynda tekserý paraqtary men qaýip dárejesin baǵalaý kriteriialaryn bekitý» týraly zań kúshine endi.
Qujatta bilim berý uiymdarynda beinekameralardyń bolmaýyna bailanysty jaýapkershilik qarastyrylǵan.
«Beinebaqylaýdyń bolmaýy óreskel ereje buzýshylyqqa jatady. Qazirgi tańda qalalyq Bilim basqarmasynyń habarlaýynsha, 207 jalpy bilim beretin mektep pen 15 internatty keshendi baqylaý júiesimen qamtý jobasy júzege asyrylýda. Tehnikalyq mindetter boiynsha jumys jasalyp, QR Tsifrlyq damý, innovatsiia jáne aeroǵarysh ónerkásibi ministrligine talqylaýǵa jiberildi»,- dedi ol.
Onyń aitýynsha, tehnikalyq tapsyrys nátijesinde Tsifrlandyrý basqarmasy jobany júzege asyrýǵa jumsalatyn qarajatty esepteidi.
«Basqarma bergen aqparatqa sáikes, Almatyda 11 221 kamera men tasa aimaqtarǵa 4990 kamera kerek eken. Mektepterde qazirdiń ózinde 7430 kamera bar», - dedi ol.
Gúlnar Ermekbava jobanyń biyl júzege asatynyn aitty.
«Biyl beinekameralar túgel ornatylýy tiis. Sebebi, birinshi kezekte bul balalardyń qaýipsizdigi jáne mektepterdiń attestatsiiasy», - dedi basqarma ókili.
