الماتى مەكتەپتەرٸ جىل سوڭىنا دەيٸن بەينەكامەرالارمەن قامتىلاتىن بولدى. بۇل تۋرالى الماتى قالاسى بٸلٸم سالاسىندا ساپانى قامتاماسىز ەتۋ دەپارتامەنتٸنٸڭ باسشىسى گٷلنار ەرمەكباەۆا ونلاين بريفينگ بارىسىندا ايتتى, دەپ حابارلايدى "ۇلت اقپارات".
سپيكەردٸڭ ايتۋىنشا, 2021 جىلدىڭ قاڭتارىنان «بٸلٸم بەرۋ جٷيەسٸن تەكسەرۋ بارىسىندا تەكسەرۋ پاراقتارى مەن قاۋٸپ دەرەجەسٸن باعالاۋ كريتەرييالارىن بەكٸتۋ» تۋرالى زاڭ كٷشٸنە ەندٸ.
قۇجاتتا بٸلٸم بەرۋ ۇيىمدارىندا بەينەكامەرالاردىڭ بولماۋىنا بايلانىستى جاۋاپكەرشٸلٸك قاراستىرىلعان.
«بەينەباقىلاۋدىڭ بولماۋى ٶرەسكەل ەرەجە بۇزۋشىلىققا جاتادى. قازٸرگٸ تاڭدا قالالىق بٸلٸم باسقارماسىنىڭ حابارلاۋىنشا, 207 جالپى بٸلٸم بەرەتٸن مەكتەپ پەن 15 ينتەرناتتى كەشەندٸ باقىلاۋ جٷيەسٸمەن قامتۋ جوباسى جٷزەگە اسىرىلۋدا. تەحنيكالىق مٸندەتتەر بويىنشا جۇمىس جاسالىپ, قر تسيفرلىق دامۋ, يننوۆاتسييا جەنە اەروعارىش ٶنەركەسٸبٸ مينيسترلٸگٸنە تالقىلاۋعا جٸبەرٸلدٸ»,- دەدٸ ول.
ونىڭ ايتۋىنشا, تەحنيكالىق تاپسىرىس نەتيجەسٸندە تسيفرلاندىرۋ باسقارماسى جوبانى جٷزەگە اسىرۋعا جۇمسالاتىن قاراجاتتى ەسەپتەيدٸ.
«باسقارما بەرگەن اقپاراتقا سەيكەس, الماتىدا 11 221 كامەرا مەن تاسا ايماقتارعا 4990 كامەرا كەرەك ەكەن. مەكتەپتەردە قازٸردٸڭ ٶزٸندە 7430 كامەرا بار», - دەدٸ ول.
گٷلنار ەرمەكباۆا جوبانىڭ بيىل جٷزەگە اساتىنىن ايتتى.
«بيىل بەينەكامەرالار تٷگەل ورناتىلۋى تيٸس. سەبەبٸ, بٸرٸنشٸ كەزەكتە بۇل بالالاردىڭ قاۋٸپسٸزدٸگٸ جەنە مەكتەپتەردٸڭ اتتەستاتسيياسى», - دەدٸ باسقارما ٶكٸلٸ.
