"Men adam balasymyn, túsinesiń ba? Bir jyl jumys istedim, densaýlyq jaǵdaiyna bailanys eńbek demalysy úshin qatań sógis aldym. Ánýar Qanatuly da sógis aldy, sebebi qyzmetkerler qujatty durys rettemegen. Sondyqtan bizge eki-úsh syilyqaqy beredi, boldy. Sender altydan alasyńdar, biz ekeý alamyz. Soǵan jinaidy. Túrińdi olai jaman etpe. Toqta, Qarlyǵash. Senderge qazir tústi, tústen keiin taǵy túsedi, eki ret túsedi. Senderge jeti ailyqtan jazdyq. Túsindiń be?", - deidi videoda Laýra Myrzaǵaliǵa uqsaityn adam.
Oǵan taǵy bir adam qarsy sóilemek bolady.
"Tyńda! Biz ony qaitaryp almaimyz, sebebi zań boiynsha maǵan da, Ánýarǵa da berilmeidi. Sebebi ony úshi aidan keiin sheship alý kerek. Meniń de balalarym bar. Bir jyl istedim. Artyq aqsha almadym", - deidi Laýra Myrzaǵali.
"Qarlyǵash" taǵy qarsy shyqpaq boldy.
"Qysqasy, sen bermeisiń ba? Álde túsinbeisiń ba? Onda qazir kiremiz bastyqqa. Seniń tańdaýyń bolmaidy. Onda artyq aqshany saǵan jazǵan... Saǵan artyq aqsha jazylmaýy kerek negizi. Sol úshin bizge 100 myńnan, 200 myńnan berý úshin... Sen túsinip tursyń ba meniń ne aityp turǵanymdy?", - deidi "Laýra Myrzaǵali".
Almaty ákimdiginiń baspasóz qyzmeti ókilderi videodaǵy áiel adam rasynda Laýra Myrzaǵali ekenin aitty.
"Almaty qalasy qoǵamdyq densaýlyq basqarmasy basshysynyń orynbasary Laýra Myrzaǵali istiń mán-jaiy tolyq anyqtalǵanǵa deiin qyzmetinen shettetildi", - delingen habarlamada.
