"مەن ادام بالاسىمىن, تٷسٸنەسٸڭ با? بٸر جىل جۇمىس ٸستەدٸم, دەنساۋلىق جاعدايىنا بايلانىس ەڭبەك دەمالىسى ٷشٸن قاتاڭ سٶگٸس الدىم. ەنۋار قاناتۇلى دا سٶگٸس الدى, سەبەبٸ قىزمەتكەرلەر قۇجاتتى دۇرىس رەتتەمەگەن. سوندىقتان بٸزگە ەكٸ-ٷش سىيلىقاقى بەرەدٸ, بولدى. سەندەر التىدان الاسىڭدار, بٸز ەكەۋ الامىز. سوعان جينايدى. تٷرٸڭدٸ ولاي جامان ەتپە. توقتا, قارلىعاش. سەندەرگە قازٸر تٷستٸ, تٷستەن كەيٸن تاعى تٷسەدٸ, ەكٸ رەت تٷسەدٸ. سەندەرگە جەتٸ ايلىقتان جازدىق. تٷسٸندٸڭ بە?", - دەيدٸ ۆيدەودا لاۋرا مىرزاعاليعا ۇقسايتىن ادام.
وعان تاعى بٸر ادام قارسى سٶيلەمەك بولادى.
"تىڭدا! بٸز ونى قايتارىپ المايمىز, سەبەبٸ زاڭ بويىنشا ماعان دا, ەنۋارعا دا بەرٸلمەيدٸ. سەبەبٸ ونى ٷشٸ ايدان كەيٸن شەشٸپ الۋ كەرەك. مەنٸڭ دە بالالارىم بار. بٸر جىل ٸستەدٸم. ارتىق اقشا المادىم", - دەيدٸ لاۋرا مىرزاعالي.
"قارلىعاش" تاعى قارسى شىقپاق بولدى.
"قىسقاسى, سەن بەرمەيسٸڭ با? ەلدە تٷسٸنبەيسٸڭ با? وندا قازٸر كٸرەمٸز باستىققا. سەنٸڭ تاڭداۋىڭ بولمايدى. وندا ارتىق اقشانى ساعان جازعان... ساعان ارتىق اقشا جازىلماۋى كەرەك نەگٸزٸ. سول ٷشٸن بٸزگە 100 مىڭنان, 200 مىڭنان بەرۋ ٷشٸن... سەن تٷسٸنٸپ تۇرسىڭ با مەنٸڭ نە ايتىپ تۇرعانىمدى?", - دەيدٸ "لاۋرا مىرزاعالي".
الماتى ەكٸمدٸگٸنٸڭ باسپاسٶز قىزمەتٸ ٶكٸلدەرٸ ۆيدەوداعى ەيەل ادام راسىندا لاۋرا مىرزاعالي ەكەنٸن ايتتى.
"الماتى قالاسى قوعامدىق دەنساۋلىق باسقارماسى باسشىسىنىڭ ورىنباسارى لاۋرا مىرزاعالي ٸستٸڭ مەن-جايى تولىق انىقتالعانعا دەيٸن قىزمەتٸنەن شەتتەتٸلدٸ", - دەلٸنگەن حابارلامادا.
