kollaj: Temgrinews.kz
Almaty oblysy Talǵar aýdany Tóńkeris aýylynda iri qara jáne usaq mal óleksesi tabyldy, - dep habarlaidy Tengrinews.kz.
Talǵar aýdanyndaǵy aýyl shetinde túsirilgen video jergilikti Instagram-paraqshasynda jariialanǵan. Kadr syrtyndaǵy er adamnyń aitýynsha, ol zirat mańynda qoqys úiindisin, odan janýarlar qaldyǵyn tapqan.
"Bul jerde demalý múmkin emes, kórip turǵandaryńyzdai, tipti siyr jatyr. Jaqyn jerde zirat bar, al mynda qoqys jatyr", - deidi video avtory.
Aýyl ákiminiń aitýynsha, qaldyqtardy Talǵar aýdany Qarabulaq aýylynan jergilikti kompaniia shyǵarǵan.
"Video Panfilov aýyldyq okrýginiń Tóńkeris aýylynda túsirildi. Olar bizdiń aýmaqtan osy oryndy taýyp, qaldyqty qaldyrǵan. Bul oqiǵa "Badyr han" JK-ǵa bailanysty. Ákimdik pen aýdandyq politsiia bólimi qazir tekserý jumystaryn bastap ketti. Sol jerde mamandar jumys istedi. QR zańnamasyna sáikes barlyq qajetti shara qabyldanady. Eshkim kórmeýi úshin qoqys túnde shyǵarylǵan. Oqiǵa ornynan túsirigen foto, videony ekologiia departamentine hat pen materialdardy jiberdim. Vedomstvo mal dárigerlerimen birlesip tekserýdi bastap ketti", - dedi Panfilov aýyldyq okrýginiń ákimi Serik Shalov.
Ákimniń aitýynsha, olar aýyl shetindegi barlyq qoqysty shyǵarýǵa kirisip ketken. Bul "kináli kompaniia" esebinen jasalady. Ruqsatsyz qoqys shyǵarǵany úshin endi olarǵa 300 myń teńgeden astam aiyppul salynýy múmkin.
