10 maýsymda Almaty qalasynyń ákimi Baqytjan Saǵyntaev qala turǵyndaryna megapolis tirshiliginiń negizgi salalaryn tsifrlandyrý jobalaryn tanystyrdy, dep habarlady Almaty qalasynyń tsifrlandyrý basqarmasy.
Qala ákiminiń aitýynsha, Almaty qalasy ákimdiginiń memlekettik qyzmet túrleriniń 90%-y elektrondyq bolyp tabylady, 150 qyzmet túri egov jáne mobildi qurylǵylar arqyly qoljetimdi. Sondai-aq sport nysandary, jattyqtyrýshylar, sportshylar týraly barlyq aqparat bir terezede sektsiiaǵa tikelei jazylý múmkindigi bar. Al meditsina salasynda meditsinalyq aqparattyq júieler arqyly 11 975 042 qyzmet kórsetildi.
«Tsifrly Qazaqstan» baǵdarlamasy aiasynda elimizdiń bas qalalarynyń biri, mádeni astanasy Almaty qalasynyń da tsifrlanýy mańyzdy jáne jetekshi orynda turǵan másele. Qalamyzdaǵy ár salanyń tsirlanýy óz deńgeiinde júrip jatqanyn habarlaǵymyz keledi. Bir ǵana meditsina salasynda meditsinalyq aqparattyq júieler arqyly 11 975 042 qyzmet kórsetilýiniń ózi úlken jetistik dep bilemin. Al mundai salanyń qanshamasy boiynsha qandai qyzmetter atqarylyp jatqanyn qala turǵyndary men qonaqtary kórip, bilip te júr», - dedi Almaty qalasynyń ákimi Baqytjan Saǵyntaev.
Almaty qalasynyń tsifrlandyrý basqarmasynyń habarlaýynsha, basqarma 2GIS kompaniiasymen birlesip qala turǵyndary úshin jańa servisti iske asyrdy – 2GIS kartasyna emhanalarda, mektepterde, saýda ortalyqtarynda jáne tipti iri bazarlarda jumys isteitin 117 vaktsinatsiia pýnkti engizildi. Jańa servistiń arqasynda qala turǵyndary úiden nemese jumys ornynan qadamdyq qoljetimdilikte vaktsinatsiia pýnktin, qabyldaý saǵattaryn jáne osy uiymdardyń bailanystaryn ońai taba alady.
Aldyn ala jazylý kezinde qala turǵyndary vaktsinanyń túrin tegin tańdaýǵa múmkindik alady.
«Sonymen qatar, "aqyldy" jobalar qala tirshiliginiń barlyq salalarynda engizilip jatyr. Atap aitqanda, jol qozǵalysyn basqarý, qoǵamdyq qaýipsizdik, bilim berý, densaýlyq saqtaý, pandemiianyń taralýyn boldyrmaý salalaryn qamtyǵan. Mysaly, "Sergek" jobasyn iske asyrý joldardaǵy JKO sany men ólim-jitimdi azaitýǵa múmkindik berdi.
"Aqyldy baǵdarshamdar" trafiktiń ortasha jyldamdyǵyn 15-20%-ǵa arttyrady», - dedi qala ákimi.
Aita keteiik, munyń aldynda Almaty qalasynyń tsifrlandyrý basqarmasy "Zerde "UIH" AQ servistik integratorymen birlesip Almaty qalasynyń IT-arhitektýrasyn ázirledi. Osy jumystar aiasynda memlekettik organdar men vedomstvolyq baǵynysty uiymdardyń aqparattyq júielerine túgendeý júrgizildi, bul qalanyń túrli salalaryn tsifrlandyrýdyń aǵymdaǵy deńgeiin baǵalaýǵa jáne Almatyny odan ári damytýdyń basymdyqtaryn aiqyndaýǵa múmkindik berdi.
Turǵyn úi-kommýnaldyq sharýashylyq jáne tótenshe jaǵdailar salasynda memlekettik organdardyń azamattarmen jáne biznes-qoǵamdastyqpen ózara is-qimylyn jaqsartý úshin 2021-2025 jyldarǵa arnalǵan "Aqyldy qalanyń" 49 basym jobasynyń tizimi qalyptastyryldy. Sonyń nátijesinde 2021 jyly Almaty sport, bilim berý, densaýlyq saqtaý salasynda tsifrlandyrý jumystaryn jetildirdi.
Al sońǵy aqparatqa sáikes, jýyrda International Data Corporation (IDC) halyqaralyq aqparattyq-taldaý agenttigi óziniń ádisnamasyna sáikes Almatynyń "aqyldy qala" retinde kemeldenýine baǵalaý júrgizdi. IDC ádistemesi 5 ólshem boiynsha 19 kriteriiden turady: (1) paiymdaý; (2) Mádeniet; (3) protsester; (4) tehnologiialar; (5) derekter.
Qorytyndy baǵa ár kriterii boiynsha arifmetikalyq ortasha mán retinde esepteledi jáne 0-den 5-ke deiin ózgeredi. Baǵalaý nátijeleri boiynsha 2021 jyly Almaty múmkin bolǵan 5 baldan 2.7 ball jinady. 2017 jylmen salystyrǵanda qala "Koniýnktýralyq" (opportunistic) deńgeiinen "qaitalanatyn" (Repeatable) deńgeiine aýysyp, nátijeni edáýir jaqsartqan.
Aita keteiik, 2019 jyly Almaty qalasynda tikelei qala ákimine baǵynatyn Chief Digital Officer basqaratyn tsifrlandyrý basqarmasy quryldy. Al "aqyldy" jobalar qala tirshiliginiń barlyq salalarynda engizilip jatyr. Atap aitqanda, jol qozǵalysyn basqarý, qoǵamdyq qaýipsizdik, bilim berý, densaýlyq saqtaý, pandemiianyń taralýyn boldyrmaý salalaryn qamtyǵan. Mysaly, "Sergek" jobasyn iske asyrý joldardaǵy JKO sany men ólim-jitimdi azaitýǵa múmkindik berdi.
"Aqyldy baǵdarshamdar" trafiktiń ortasha jyldamdyǵyn 15-20%-ǵa arttyrady.
Úlken derekterdi taldaý jáne jasandy intellekt quraldaryn qoldaný jappai jinalatyn obektilerdiń monitoringin qamtamasyz etýge múmkindik berdi. Sheshim qabyldaý kezinde qala turǵyndarynyń pikirin esepke alý jáne korporativtik basqarý úderisi jaqsardy.
Derekterge negizdelgen basqarýshylyq sheshimder óz qoldanysyn tabýda, turǵyndarmen ózara is-qimyl arnalary qurylady, "biýdjetke qatysý" siiaqty quraldar engiziledi, qala turǵyndary qalalyq biýdjetten qarjylandyrý úshin jobalardy ózderi aiqyndaidy.
Almatyda qyzmetterdiń 90%-dan astamy elektrondyq formatta kórsetiledi.
Esterińizge sala keteiik, 10 maýsymda Almaty qalasynyń ákimi Baqytjan Saǵyntaev qala turǵyndaryna megapolis tirshiliginiń negizgi salalaryn tsifrlandyrý jobalaryn tanystyrdy, dep habarlady Almaty qalasynyń tsifrlandyrý basqarmasy.
Qala ákiminiń aitýynsha, Almaty qalasy ákimdiginiń memlekettik qyzmet túrleriniń 90%-y elektrondyq bolyp tabylady, 150 qyzmet túri egov jáne mobildi qurylǵylar arqyly qoljetimdi. Sondai-aq sport nysandary, jattyqtyrýshylar, sportshylar týraly barlyq aqparat bir terezede sektsiiaǵa tikelei jazylý múmkindigi bar. Al meditsina salasynda meditsinalyq aqparattyq júieler arqyly 11 975 042 qyzmet kórsetildi.
