Indoneziianyń Bali aralynda janarmaidyń tanymal markalary tapshylyqqa ushyrap, avtojanarmai quiý beketterinde uzyn-sonar kezek paida boldy. Bul týraly DetikBali habarlaidy, dep jazady ult.kz.
Jergilikti jýrnalister men kýágerlerdiń málimetinshe, araldaǵy ondaǵan janarmai beketinde benzin qory taýsylǵan. Sonyń saldarynan skýter men kólik júrgizýshileri birneshe saǵat boiy kezekte turýǵa, qymbatyraq janarmai satyp alýǵa nemese kóligin qolmen iterýge májbúr bolǵan. Joldarda keptelis qaýpi týyndaǵandyqtan, qozǵalysty retteýshiler de jumyldyrylǵan.
Indoneziianyń memlekettik PT Pertamina Patra Niaga munai-gaz kompaniiasy jaǵdaidy janarmaidyń fizikalyq tapshylyǵymen emes, logistikalyq irkilispen bailanystyrdy. Kompaniianyń túsindirýinshe, Baliǵa benzin jetkizetin teńiz tankerleri keshigip, joldaǵy keptelister janarmaidy beketterge tasymaldaýdy qiyndatqan.
Máseleni jedel sheshý úshin aralǵa qosymsha 26,2 myń kilolitr janarmai jetkizý josparlanǵan. Kompaniia janarmai beketterindegi jaǵdai aldaǵy kúnderi tolyq turaqtanady dep málimdedi.
