يندونەزييانىڭ بالي ارالىندا جانارمايدىڭ تانىمال ماركالارى تاپشىلىققا ۇشىراپ, اۆتوجانارماي قۇيۋ بەكەتتەرٸندە ۇزىن-سونار كەزەك پايدا بولدى. بۇل تۋرالى DetikBali حابارلايدى, دەپ جازادى ult.kz.
جەرگٸلٸكتٸ جۋرناليستەر مەن كۋەگەرلەردٸڭ مەلٸمەتٸنشە, ارالداعى ونداعان جانارماي بەكەتٸندە بەنزين قورى تاۋسىلعان. سونىڭ سالدارىنان سكۋتەر مەن كٶلٸك جٷرگٸزۋشٸلەرٸ بٸرنەشە ساعات بويى كەزەكتە تۇرۋعا, قىمباتىراق جانارماي ساتىپ الۋعا نەمەسە كٶلٸگٸن قولمەن يتەرۋگە مەجبٷر بولعان. جولداردا كەپتەلٸس قاۋپٸ تۋىنداعاندىقتان, قوزعالىستى رەتتەۋشٸلەر دە جۇمىلدىرىلعان.
يندونەزييانىڭ مەملەكەتتٸك PT Pertamina Patra Niaga مۇناي-گاز كومپانيياسى جاعدايدى جانارمايدىڭ فيزيكالىق تاپشىلىعىمەن ەمەس, لوگيستيكالىق ٸركٸلٸسپەن بايلانىستىردى. كومپانييانىڭ تٷسٸندٸرۋٸنشە, باليعا بەنزين جەتكٸزەتٸن تەڭٸز تانكەرلەرٸ كەشٸگٸپ, جولداعى كەپتەلٸستەر جانارمايدى بەكەتتەرگە تاسىمالداۋدى قيىنداتقان.
مەسەلەنٸ جەدەل شەشۋ ٷشٸن ارالعا قوسىمشا 26,2 مىڭ كيلوليتر جانارماي جەتكٸزۋ جوسپارلانعان. كومپانييا جانارماي بەكەتتەرٸندەگٸ جاعداي الداعى كٷندەرٸ تولىق تۇراقتانادى دەپ مەلٸمدەدٸ.
