Tanymal ánshi Sáken Maiǵazievtiń anasy Ultai Myrzambekqyzy qaitys boldy. Qaraly habar óner iesiniń Instagram paraqshasynda jariialandy, dep habarlaidy ult.kz.

“Sáken Maiǵaziev aǵamyzdyń anasy dúnieden ozdy. Alla janyn jánnatta etsin”, – delingen jazbada.

Jariialanǵan estirtýge sáikes, marqumnyń janaza namazy 14 qazan kúni saǵat 15:00-de Túrkistan oblysy, Sozaq aýylyndaǵy óz shańyraǵynda ótedi.

Ónerdegi áriptesteri men tyńdarmandary ánshiniń otbasyna kóńil aityp jatyr. Olardyń arasynda ánshi Erke Esmahan da bar.

“Imandy bolsyn! Alla aldynan jarylqasyn!” – dep jazdy ol.

Aita keteiik, Sáken Maiǵaziev Arman Dúisenovti eske aldy.

Sáken Maiǵaziev kim?

Sáken Qordabaiuly Maiǵaziev – qazaqstandyq ánshi, «MýzART» tobynyń múshesi, Qazaqstannyń eńbek sińirgen qairatkeri. Ol 1975 jylǵy 1 qańtarda qazirgi Túrkistan oblysynyń Sozaq aýdanynda dúniege kelgen.

Kásibi mýzykalyq bilimin Júsipbek Elebekov atyndaǵy respýblikalyq estrada jáne tsirk kolledjinde alǵan. Keiin Temirbek Júrgenov atyndaǵy Qazaq ulttyq óner akademiiasynda oqýyn jalǵastyrǵan.

2001 jyldan beri «MýzART» tobynyń quramynda óner kórsetip keledi.