تانىمال ەنشٸ سەكەن مايعازيەۆتٸڭ اناسى ۇلتاي مىرزامبەكقىزى قايتىس بولدى. قارالى حابار ٶنەر يەسٸنٸڭ Instagram پاراقشاسىندا جارييالاندى, دەپ حابارلايدى ult.kz.

“سەكەن مايعازيەۆ اعامىزدىڭ اناسى دٷنيەدەن وزدى. اللا جانىن جەنناتتا ەتسٸن”, – دەلٸنگەن جازبادا.

جارييالانعان ەستٸرتۋگە سەيكەس, مارقۇمنىڭ جانازا نامازى 14 قازان كٷنٸ ساعات 15:00-دە تٷركٸستان وبلىسى, سوزاق اۋىلىنداعى ٶز شاڭىراعىندا ٶتەدٸ.

ٶنەردەگٸ ەرٸپتەستەرٸ مەن تىڭدارماندارى ەنشٸنٸڭ وتباسىنا كٶڭٸل ايتىپ جاتىر. ولاردىڭ اراسىندا ەنشٸ ەركە ەسماحان دا بار.

“يماندى بولسىن! اللا الدىنان جارىلقاسىن!” – دەپ جازدى ول.

ايتا كەتەيٸك, سەكەن مايعازيەۆ ارمان دٷيسەنوۆتٸ ەسكە الدى.

سەكەن مايعازيەۆ كٸم?

سەكەن قوردابايۇلى مايعازيەۆ – قازاقستاندىق ەنشٸ, «مۋزارت» توبىنىڭ مٷشەسٸ, قازاقستاننىڭ ەڭبەك سٸڭٸرگەن قايراتكەرٸ. ول 1975 جىلعى 1 قاڭتاردا قازٸرگٸ تٷركٸستان وبلىسىنىڭ سوزاق اۋدانىندا دٷنيەگە كەلگەن.

كەسٸبي مۋزىكالىق بٸلٸمٸن جٷسٸپبەك ەلەبەكوۆ اتىنداعى رەسپۋبليكالىق ەسترادا جەنە تسيرك كوللەدجٸندە العان. كەيٸن تەمٸربەك جٷرگەنوۆ اتىنداعى قازاق ۇلتتىق ٶنەر اكادەميياسىندا وقۋىن جالعاستىرعان.

2001 جىلدان بەرٸ «مۋزارت» توبىنىڭ قۇرامىندا ٶنەر كٶرسەتٸپ كەلەدٸ.