11 qazanda Túrkiianyń Manisa provintsiiasynda týristik avtobýs pen júk kóligi soqtyǵysyp, 11 adam qaza tapty, dep habarlaidy ult.kz.
Apat Gebze – Orhangazi – Izmir tasjolynyń Aqhisar aýdanyndaǵy bóliginde bolǵan. Aldyn ala málimet boiynsha, avtobýs júrgizýshisi qajetti burylystan ótip ketip, artqa qarai qozǵalǵan. Sol kezde artynan kele jatqan aǵash tielgen júk kóligi avtobýsqa soǵylǵan. Soqqydan eki kólik te aýdarylǵan.
Oqiǵa ornyna jedel járdem, órt sóndirýshiler men qutqarýshylar jiberildi. Túrkiianyń densaýlyq saqtaý ministri Kemal Memishoǵlý 27 adamnyń aýrýhanada em qabyldap jatqanyn málimdedi. Onyń aitýynsha, bir adamnyń jaǵdaiy aýyr, 18 adamnyń jaǵdaiy ortasha, qalǵan segiziniń jaǵdaiy jaqsy.
Apatqa bailanysty tergeý bastaldy. Prokýratýra úsh prokýrordy iske jumyldyrǵan. Tergeý aiasynda avtobýstyń negizgi jáne qosalqy júrgizýshileri, sondai-aq júk kóliginiń júrgizýshisi ustaldy. Oqiǵanyń mán-jaiy anyqtalyp jatyr.
